മരച്ചുവട്ടിൽ പുകവലിക്കുന്ന ചിത്രങ്ങളുമായി നടി അർച്ചന കവി. ആൻ ഓർഡിനറി വുമൺ എന്ന തലക്കെട്ടിലാണ് അർച്ചന തന്റെ ഫോട്ടോ ഷൂട്ട് ചിത്രങ്ങൾ പങ്കുവച്ചത്. നിമിഷങ്ങൾക്കകം ചിത്രങ്ങൾ വൈറലായി മാറുകയും ചെയ്തു. ആരാധകരുടെ കമന്റും വൈറലാണ്. ഐസ് ഒഗ്രഫിയുടേതാണ് ആശയവും ചിത്രങ്ങളും. ലാൽജോസ് സംവിധാനം ചെയ്ത നീലത്താമര സിനിമയിൽ കുഞ്ഞിമാളു എന്ന എം.ടി കഥാപാത്രത്തെ അവതരിപ്പിച്ചാണ് അർച്ചന കവി സിനിമയിൽ എത്തുന്നത്. മലയാളത്തിൽ നിരവധി ചിത്രങ്ങളിൽ അഭിനയിച്ച അർച്ചന സമൂഹമാദ്ധ്യമങ്ങളിൽ തുറന്നുപറച്ചിൽ നടത്താറുണ്ട്. തന്റെ വിഷാദരോഗത്തെക്കുറിച്ച് തുറന്നുപറഞ്ഞിട്ടുള്ള താരം സാമൂഹമാദ്ധ്യമങ്ങളിൽ സജീവമാണ്. അടുത്തിടെ വിവാഹ മോചിതയായ അർച്ചന പുതിയ സിനിമകളൊന്നും കമ്മിറ്റ് ചെയ്തിട്ടില്ല. തന്റെ അഭിപ്രായം രേഖപ്പെടുത്തുന്ന കുറിപ്പും ചിത്രങ്ങളും ഇടയ്ക്ക് ആരാധകർക്കായി പങ്കുവയ്ക്കാറുണ്ട്.