ബീജിംഗ്: തെക്കൻ ചൈനയിലെ ഗുയ്‌ഷോ പ്രവിശ്യയിലെ പാൻഷൗ നഗരത്തിൽ സർക്കാർ ഉടമസ്ഥതയിലുള്ള കൽക്കരി ഖനിയിലുണ്ടായ അപകടത്തിൽ 16 പേർ മരിച്ചു.

തുടർന്ന് നഗരത്തിലെ എല്ലാ കൽക്കരി ഖനികളിലും ഒരു ദിവസത്തേക്ക് ഉത്പാദനം നിർത്തി​ വച്ചിരിക്കുകയാണ്. സ്ഥിതിഗതികളെ കുറിച്ച് കുടുതൽ വിവരങ്ങൾ അറിവായിട്ടില്ലെന്ന് ഗുയ്‌ഷോയിലെ മയിൻ സേഫ്റ്റി അഡ്മിനിസ്ട്രേഷൻ ഓഫിസർ പറഞ്ഞു. പ്രതിവർഷം ചൈനയുടെ ഏകദേശം 52.5 ദശലക്ഷം മെട്രിക് ടൺ ഉത്പാദന ശേഷി ഈ പ്രദേശത്തിനുണ്ട്.

എല്ലാ ഖനികളിലും സുരക്ഷാ പരിശോധനകൾക്ക് ഉത്തരവിടുകയും സുരക്ഷിതമായ ഉത്പാദനം ഉറപ്പാക്കാൻ നടപടികൾ സ്വീകരിച്ചിട്ടുണ്ടെന്നും കമ്പനി അധികൃതർ പറഞ്ഞു.