തിരുവനന്തപുരം: കുരുന്നുകൾക്ക് അറിവിന്റെ ആദ്യക്ഷരം നുകരാൻ അവസരമൊരുക്കി കേരളകൗമുദി തിരുവനന്തപുരം യൂണിറ്റിൽ വിദ്യാരംഭം രജിസ്ട്രേഷൻ തുടരുന്നു. വിജയദശമി ദിനമായ ഒക്‌ടോബർ 24നാണ് വിദ്യാരംഭം. സാമൂഹിക സാംസ്‌കാരിക മേഖലയിലെ പ്രമുഖർ ആചാര്യസ്ഥാനം വഹിക്കും.

ന്യൂറോ വിദഗ്ദ്ധൻ ഡോ.മാർത്താണ്ഡപിള്ള,​ മുഖ്യമന്ത്രിയുടെ ശാസ്ത്ര ഉപദേഷ്ടാവ് എം.സി.ദത്തൻ,​ കവി പ്രഭാവർമ,​ മുൻ ഡി.ജി.പി എ.ഹേമചന്ദ്രൻ,​ ഗോമതി അമ്മാൾ,​ ന്യൂറോളജിസ്റ്റ് ഡോ.ഷാജി പ്രഭാകരൻ എന്നിവരാണ് കുഞ്ഞുങ്ങളെ ആദ്യക്ഷരം കുറിപ്പിക്കുക. കേരളത്തിന്റെ അക്ഷരവെളിച്ചമായ കേരളകൗമുദിയിൽ വർഷംതോറും നിരവധി കുഞ്ഞുങ്ങളാണ് ആദ്യക്ഷരം കുറിക്കുന്നത്. പേട്ട എസ്.എൻ.ഡി.പി ഹാളിലാണ് ചടങ്ങ്. വിദ്യാരംഭത്തിനെത്തുന്ന കുഞ്ഞുങ്ങൾക്ക് സമ്മാനങ്ങളും നൽകും. രജിസ്‌ട്രേഷന് വിളിക്കേണ്ട നമ്പർ: 0471- 7117000, 9645089898. സമയം: രാവിലെ 9.30 മുതൽ വൈകിട്ട് 5.30 വരെ.