ഷൂട്ടിംഗിൽ ഇന്ത്യയ്ക്ക് നാലാം സ്വർണം, 10 മീറ്റർ എയർ പിസ്റ്റളിൽ സ്വർണം നേടിയത്

സരബ്‌ജ്യോത് സിംഗ്, അർജുൻ സിംഗ് ചീമ, ശിവ നർവാൾ എന്നിവരടങ്ങിയ ടീം

ഹ്വാംഗ്ചോ ഏഷ്യൻ ഗെയിംസിൽ ഇന്ത്യൻ തോക്കുകൾ വീണ്ടും ഗർജിച്ചപ്പോൾ ഒരു സ്വർണമെഡൽ കൂടി സ്വന്തമായി. ഇന്നലെ രാവിലെ നടന്ന 10 മീറ്റർ എയർ പിസ്റ്റളിൽ സരബ്‌ജ്യോത് സിംഗ്, അർജുൻ സിംഗ് ചീമ, ശിവ നർവാൾ എന്നിവരടങ്ങിയ ടീമാണ് സ്വർണം നേടിയത്. ചൈനയെ ഇഞ്ചോടിഞ്ച് പോരാട്ടത്തിൽ ഒറ്റപ്പോയിന്റിന് പിന്തള്ളിയാണ് ഇന്ത്യ സ്വർണത്തിലെത്തിയത്. ഇന്ത്യൻ ടീം 1734 പോയിന്റും ചൈനീസ് ടീം 1733 പോയിന്റുമാണ് നേടിയത്. 1730 പോയിന്റ് നേ‌ടിയ വിയറ്റ്നാം ടീമിനാണ് വെങ്കലം.എന്നാൽ വ്യക്തിഗത ഇനങ്ങളിൽ മെഡൽ നേടാൻ ഇന്ത്യൻ താരങ്ങൾക്ക് കഴിഞ്ഞില്ല.

രാവിലെ വനിതകളുടെ വുഷുവിൽ സ്വർണപ്രതീക്ഷയുമായാണ് റോഷിബിന ദേവി നവോറം ഫൈനലിന് ഇറങ്ങിയതെങ്കിലും ചൈനയുടെ വു ഷാവോവേയ്‌യോട് തോറ്റു. രണ്ട് റൗണ്ടുകളിലും ഇന്ത്യൻ താരത്തെ അനങ്ങാൻ അനുവദിക്കാതെയായിരുന്നു ചൈനീസ് താരത്തിന്റെ വിജയം. അഞ്ചു പോയിന്റ് വീതമാണ് ഓരോ റൗണ്ടിലും വു ഷാവോവേയ്‌ നേടിയത്.

കഴിഞ്ഞ ദിവസം അശ്വാഭ്യാസത്തിലെ ഡ്രെസേജ് ഇനത്തിൽ സ്വർണം നേടിയിരുന്ന ഇന്ത്യൻ ടീമിലെ അംഗം അനുഷ് അഗർവാലയ്ക്ക് ഇന്നലെ വ്യക്തിഗത ഇനത്തിൽ വെങ്കലം ലഭിച്ചു.

ഫുട്ബാളിൽ വീണു

13 വർഷത്തിന് ശേഷം ഏഷ്യൻ ഗെയിംസ് ഫുട്ബാളിന്റെ പ്രീ ക്വാർട്ടറിനിറങ്ങിയ ഇന്ത്യൻ ടീം സൗദി അറേബ്യയോട് മറുപ‌ടിയില്ലാത്ത രണ്ട് ഗോളുകൾക്ക് തോറ്റുപുറത്തായി. സൗദി ക്ളബ് അൽ നസ്ർ എഫ്.സിയിൽ ക്രിസ്റ്റ്യാനോ റൊണാൾഡോയ്‌ക്കൊപ്പം കളിക്കുന്ന യുവ സ്ട്രൈക്കർ ഖലീൽ മറാനാണ് സൗദിക്ക് വേണ്ടി രണ്ട് ഗോളുകളും നേടിയത്. ഗോൾരഹിതമായ ആദ്യ പകുതിക്ക്ശേഷം 51,57 മിനിട്ടുകളിലാണ് ഖലീൽ ഇന്ത്യൻ വലകുലുക്കിയത്.

ടെന്നിസിൽ ഇന്ന് ഫൈനൽ

ഏഷ്യൻ ഗെയിംസ് പുരുഷ ഡബിൾസിൽ ഇന്ത്യയുടെ രാംകുമാർ രാമനാഥൻ- സാകേത് മെയ്‌നേനി സഖ്യം ഫൈനലിലെത്തി. ഇന്ന് നടക്കുന്ന ഫൈനലിൽ ഇവർ ചൈനീസ് തായ്‌പയ്‌യുടെ ജേസൺ ജുംഗ്- യു സിയോ സഖ്യത്തെ നേരിടും. ഇന്നലെ നടന്ന സെമിയിൽ കൊറിയയുടെ സിയോൻചാൻ- സോൻവൂ സഖ്യത്തെ 6-1,6-7,10-0ത്തിന് തോൽപ്പിച്ചാണ് ഇന്ത്യൻ സഖ്യം ഫൈനലിലെത്തിയത്.

മിക്സഡ് ഡബിൾസിൽ ഇന്ത്യയുടെ രോഹൻ ബൊപ്പണ്ണ- റിതുജ സഖ്യം സെമിയിലെത്തി മെഡലുറപ്പിച്ചു. ക്വാർട്ടറിൽ കസാഖിസ്ഥാന്റെ ഷിബെക്ക്- ലോമാക്കിൻ സഖ്യത്തെ 7-5,6-3നാണ് ബൊപ്പണ്ണ സഖ്യം തോൽപ്പിച്ചത്.

വനിതകളുടെ ബോക്സിംഗിൽ പ്രീ ക്വാർട്ടറിൽ സൗദിയുടെ ഹദീൽ ഗസ്‌വയെ തോൽപ്പിച്ച് ഇന്ത്യയുടെ ജാസ്മിൻ ക്വാർട്ടറിലെത്തി.

പാതയോരത്തെ പാട്ട്

അ​ത്‌​ല​റ്റി​ക്സ് ​മ​ത്സ​ര​വേ​ദി​ക്ക് ​സ​മീ​പ​ത്തെ​ ​ട്രെ​യ്നിം​ഗ് ​ഗ്രൗ​ണ്ടി​ലേ​ക്ക് ​ന​ട​ക്കു​മ്പോ​ഴാ​ണ് ​സ​മീ​പ​ത്തെ​ ​പാ​ർ​ക്കി​ന് ​അ​രി​കി​ൽ​ ​നി​ന്ന് ​വ​യ​ലി​ൻ​ ​പോ​ലു​ള്ള​ ​സം​ഗീ​ത​ ​ഉ​പ​ക​ര​ണ​വു​മാ​യി​ ​ഒ​രു​ ​യു​വ​തി​ ​നി​ൽ​ക്കു​ന്ന​ത് ​ക​ണ്ട​ത്.​ ​യു​വ​തി​ക്കൊ​പ്പം​ ​പ്രാ​യ​മാ​യ​ ​ഒ​രു​ ​സ്ത്രീ​യും​ ​അ​വ​രു​ടെ​ ​കൈ​യി​ൽ​ ​കൈ​ക്കു​ഞ്ഞു​മു​ണ്ട്.​ ​പ്രാ​യ​മാ​യ​ ​ഒ​രാ​ൾ​ ​ആ​ ​യു​വ​തി​യു​ടെ​ ​ഫോ​ട്ടോ​ക​ൾ​ ​ക്യാ​മ​റ​യി​ൽ​ ​പ​ക​ർ​ത്തു​ന്നു.
വി​ദേ​ശ​ത്തൊ​ക്കെ​ ​ക​ലാ​കാ​ര​ന്മാ​ർ​ ​പൈ​സ​യ്ക്കാ​യി​ ​തെ​രു​വോ​ര​ ​സം​ഗീ​ത​ ​പ്ര​ദ​ർ​ശ​ന​ങ്ങ​ൾ​ ​ന​ട​ത്തു​ന്ന​ത് ​പ​തി​വാ​യ​തി​നാ​ൽ​ ​അ​ൽ​പ്പ​നേ​രം​ ​അ​വി​ടെ​ ​നി​ന്ന് ​ആ​ ​സം​ഗീ​തം​ ​ആ​സ്വ​ദി​ക്കാ​ൻ​ ​തീ​രു​മാ​നി​ച്ചു.​ ​ഓ​രോ​രോ​ ​ഈ​ണ​ങ്ങ​ളാ​യി​ ​ആ​ ​ഉ​പ​ക​ര​ണ​ത്തി​ൽ​ ​വാ​യി​ക്കു​ക​യാ​ണ് ​യു​വ​തി.​ ​കു​റേ​നേ​രം​ ​ക​ഴി​ഞ്ഞ​പ്പോ​ഴാ​ണ് ​അ​ത് ​പൈ​സ​യ്ക്ക് ​വേ​ണ്ടി​യു​ള്ള​ ​ക​ലാ​പ്ര​ക​ട​ന​മ​ല്ലെ​ന്ന് ​മ​ന​സി​ലാ​യ​ത്.​ ​അ​ങ്ങ​നെ​ ​അ​ടു​ത്തു​ചെ​ന്ന് ​പ​രി​ച​യ​പ്പെ​ട്ടു.​ ​ഇ​ന്ത്യ​യി​ൽ​ ​നി​ന്നാ​ണെ​ന്നും​ ​ഏ​ഷ്യ​ൻ​ ​ഗെ​യിം​സ് ​റി​പ്പോ​ ർ​ട്ട് ​ചെ​യ്യാ​ൻ​ ​വ​ന്ന​താ​ണെ​ന്നും​ ​പ​റ​ഞ്ഞ​പ്പോ​ൾ​ ​വ​ലി​യ​ ​സ​ന്തോ​ഷം.
അ​വ​ർ​ ​ത​ങ്ങ​ളെ​യും​ ​പ​രി​ച​യ​പ്പെ​ടു​ത്തി.​ ​താ​ൻ​ ​വ​ലി​യൊ​രു​ ​സം​ഗീ​ത​ജ്ഞ​യൊ​ന്നു​മ​ല്ലെ​ന്നും​ ​ഒ​രു​ ​സ്കൂ​ളി​ലെ​ ​മ്യൂ​സി​ക് ​ടീ​ച്ച​റാ​ണെ​ന്നു​മാ​ണ് ​അ​വ​ർ​ ​പ​റ​ഞ്ഞ​ത്.​പേ​ര് ​ഷി​ൻ​ ​ഡി​ചെ​ൻ.​ ​അ​വ​ർ​ ​വാ​യി​ച്ചു​കൊ​ണ്ടി​രു​ന്ന​ ​സം​ഗീ​ത​ ​ഉ​പ​ക​ര​ണ​ത്തി​ന്റെ​ ​പേ​ര് ​എ​ർ​ഹു.
ഒ​ക്ടോ​ബ​ർ​ ​ഒ​ന്നി​ന് ​ചൈ​നീ​സ് ​ദേ​ശീ​യ​ ​ദി​ന​മാ​യ​തി​നാ​ൽ​ ​ഇ​വി​‌​ടെ​യൊ​ക്കെ​ ​ഒ​രാ​ഴ്ച​ ​അ​വ​ധി​യാ​ണ്.​ ​അ​വ​ധി​ ​ദി​വ​സ​ത്തി​ൽ​ ​കു​ടും​ബ​വു​മാ​യി​ ​ത​ന്റെ​ ​ഒ​രു​ ​സം​ഗീ​ത​ ​വീ​ഡി​യോ​ ​ഷൂ​ട്ടു​ചെ​യ്യാ​ൻ​ ​ഇ​റ​ങ്ങി​യ​താ​ണ് ​ഷി​ൻ.​ ​ഷി​ന്നി​ന്റെ​ ​അ​ച​‌്ഛ​നാ​ണ് ​വീ​ഡി​യോ​ ​പ​ക​ർ​ത്തു​ന്ന​ത്.​ ​അ​മ്മ​ ​ഷി​ന്നി​ന്റെ​ ​ഒ​രു​ ​വ​യ​സു​കാ​രി​ ​മ​ക​ളു​മാ​യി​ ​കൂ​ട്ടു​വ​ന്ന​താ​ണ്.​ ​എ​നി​ക്ക് ​വേ​ണ്ടി​ ​അ​ൽ​പ്പ​നേ​രം​ ​കൂ​ടി​ ​എ​ർ​ഹു​വി​ൽ​ ​ഈ​ണം​ ​മു​ഴ​ക്കി​യ​ശേ​ഷ​മാ​ണ് ​ഷി​ന്നും​ ​കു​ടും​ബ​വും​ ​മ​ട​ങ്ങി​യ​ത്.