ശരീരഭാരം കൂടിയതിനെ തുടർന്നാണ് സിനിമയിൽ നിന്ന് ബ്രേക്കെടുത്തതെന്ന് മലയാളികൾക്കും ഏറെ പരിചിതയായ നടി നന്ദിനി.

ശരീരഭാരം 58 ൽ നിന്ന് 105 കിലോ വരെ എത്തി. ധാരാളമായി ഭക്ഷണം കഴിക്കുമായിരുന്നു. അമിതമായി വർക്കൗട്ട് ചെയ്തു. വിശപ്പറിയാതിരിക്കാൻ ഗ്ളൂക്കോസ് വെള്ളം ധാരാളമായി കുടിച്ചു. ശരീരഭാരം 105 കിലോയിൽ എത്തി. വീട്ടിൽ എല്ലാവരും പറഞ്ഞിട്ട് ഞാൻ കേട്ടില്ല. ആ സമയത്ത് എനിക്ക് വല്ലാത്ത വിശപ്പായിരുന്നു. അമ്മ ഒരുദിവസം എന്നെ ഡോക്ടറുടെ അടുത്തുകൊണ്ടുപോയി. പരിശോധിച്ചപ്പോൾ ഡയബറ്റിസ്. ഇതോടെ ഭക്ഷണം കുറച്ചു. വ്യായാമം തുടർന്നു. ഇപ്പോൾ ശരീരഭാരം 70 കിലോയായി കുറച്ചു. വിശപ്പിനെ എങ്ങനെ നിയന്ത്രിക്കണമെന്ന് ശീലിച്ചു. ഹോമിയോ മരുന്ന് കഴിക്കാൻ തുടങ്ങി.

മെറ്റബോളിസവും ഡൈജഷനുമെല്ലാം സാധാരണമായി. ഇപ്പോൾ എല്ലാം അളന്നു മാത്രമേ കഴിക്കൂ. പൊതുവെ മധുരം എനിക്ക് വലിയ ഇഷ്ടമാണ്. നന്ദിനി പറഞ്ഞു. കർണാടക്കാരിയായ നന്ദിനിയുടെ യഥാർത്ഥ പേര് കവിത എന്നാണ്.

ബാലചന്ദ്രൻ സംവിധാനം ചെയ്ത ഏപ്രിൽ 19 എന്ന ചിത്രത്തിൽ നായികയായി അഭിനയിച്ച് സിനിമയിൽ അരങ്ങേറ്റം. ചിത്രത്തിലെ കഥാപാത്രത്തിന്റെ പേരായിരുന്നു നന്ദിനി. അയാൾ കഥ എഴുതുകയാണ്, ലേലം, തച്ചിലേടത്തു ചുണ്ടൻ, സുന്ദരപുരുഷൻ, നാറാണത്തു തമ്പുരാൻ, കരുമാടിക്കുട്ടൻ, വജ്രം, അനുരാഗ കരിക്കിൻ വെള്ളം തുടങ്ങിയ ചിത്രങ്ങളിൽ മലയാളത്തിൽ അഭിനയിച്ചിട്ടുണ്ട്.

തെന്നിന്ത്യൻ സിനിമാ ലോകത്ത് കൗസല്യ എന്ന പേരിലാണ് താരം അറിയപ്പെടുന്നത്. വെള്ളിത്തിരയിലേക്ക് മടങ്ങി വരാനുള്ള ഒരുക്കത്തിലാണ് നന്ദിനി.