അനുഷ്‌‌ക ശർമയെ പുറത്ത് കാണാനില്ല; രണ്ടാമത്തെ കുഞ്ഞിനെ വരവേൽക്കാൻ ഒരുങ്ങുന്നുവെന്ന് റിപ്പോർട്ടുകൾ

അനുഷ്‌ക ശർമയും വിരാട് കൊഹ്‌ലിയും രണ്ടാമത്തെ കുഞ്ഞിനെ സ്വാഗതം ചെയ്യാനൊരുങ്ങുന്നതായി റിപ്പോർട്ടുകൾ. അനുഷ്‌ക ഇപ്പോൾ ആറുമാസം ഗർഭിണിയാണെന്ന വാർത്തകളും പുറത്തുവരുന്നുണ്ട്. കുറച്ചുകഴിഞ്ഞായിരിക്കും സന്തോഷവാർത്ത ഇരുവരും പരസ്യമാക്കുന്നതെന്നും സൂചനയുണ്ട്. 2021 ജനുവരിയിലാണ് തങ്ങളുടെ ആദ്യ കുഞ്ഞായ വാമികയെ ദമ്പതികൾ സ്വാഗതം ചെയ്തത്.

അനുഷ്‌കയെ കുറച്ച് മാസങ്ങളായി പൊതുയിടത്തിൽ കാണാത്തതാണ് അഭ്യൂഹങ്ങൾക്ക് കാരണം. സാധാരണയായി ക്രിക്കറ്റ് മാച്ചുകളിൽ വിരാടിനൊപ്പം അനുഷ്‌കയെയും കാണാറുണ്ട്. എന്നാൽ അടുത്തിടെയായി ഇരുവരെയും ഒന്നിച്ച് കാണാത്തതും സംശയം ബലപ്പെടുത്തുവെന്നാണ് റിപ്പോർട്ടുകൾ. അനുഷ്‌കയെ മുംബയിലെ ഒരു മറ്റേണിറ്റി ക്ളീനിക്കിൽ കണ്ടുവെന്നും ചിത്രങ്ങൾ പുറത്തുവിടരുതെന്ന് അവർ പാപ്പരാസികളോടും അഭ്യർത്ഥിച്ചുവെന്നും റിപ്പോർട്ടുകളിൽ പറയുന്നു.