മോഹൻലാൽ -പൃഥ്വിരാജ് ചിത്രം എമ്പുരാൻ ഒക് ടോബർ 5ന് ചിത്രീകരണം ആരംഭിക്കും. ആശിർവാദ് സിനിമാസിന്രെ ബാനറിൽ നിർമ്മിക്കുന്ന എമ്പുരാനിൽ തമിഴിലെ പ്രശസ്ത നിർമ്മാണ കമ്പനിയായ ലൈക്ക പ്രൊഡക്ഷൻസ് നിർമ്മാണ പങ്കാളിയാണ്. ലൈക്ക പ്രൊഡക്ഷൻസിന്റെ ആദ്യ മലയാള സംരംഭമാണ് എമ്പുരാൻ. 2.0, കാപ്പാൻ, ദർബാർ,പൊന്നിയിൻ സെൽവൻ , ചന്ദ്രമുഖി 2 റിലീസിന് ഒരുങ്ങുന്ന ഇന്ത്യൻ 2 ഉൾപ്പെടെ ബ്രഹ്മാണ്ഡ ചിത്രങ്ങളുടെ നിർമ്മാതാക്കളാണ് ലൈക്ക പ്രൊഡക്ഷൻസ് .ലൂസിഫറിന്റെ രണ്ടാം ഭാഗമായി ഒരുങ്ങുന്ന എമ്പുരാനിൽ മഞ്ജു വാര്യർ, ടൊവിനോ തോമസ് എന്നിവർ താരനിരയിലുണ്ട്. പാൻ വേൾയായി ഒരുങ്ങുന്ന ചിത്രം മലയാളം, തമിഴ്, തെലുങ്ക്, കന്നട, ഹിന്ദി ഭാഷകളിൽ എത്തും. മുരളി ഗോപി ആണ് രചന.സുജിത് വാസുദേവ് ഛായാഗ്രഹണം നിർവഹിക്കുന്നു. ഇന്ത്യയിൽ ചിത്രീകരണം തുടങ്ങി ആറ് രാജ്യങ്ങളിലൂ ടെ യാത്ര ചെയ്താണ് പൂർത്തിയാവുക. ദക്ഷിണേന്ത്യയിലെ ഒരു സിനിമയ്ക്കുവേണ്ടി നടത്തിയ ഏറ്റവും വലിയ ലൊക്കേഷൻ ഹണ്ടായിരുന്നു എമ്പുരാന്റേത്.