സ്വാസിക ടൈറ്റിൽ കഥാപാത്രത്തെ അവതരിപ്പിക്കുന്ന വമ്പത്തി എന്ന ചിത്രം നവാഗതനായ ലാൽ ബിജോ കഥ എഴുതി സംവിധാനം ചെയ്യുന്നു. ചിത്രത്തിന്റെ ടൈറ്റിൽ പോസ്റ്റർ പുറത്തിറങ്ങി. നവംബറിൽ മലപ്പുറത്ത് ചിത്രീകരണം ആരംഭിക്കുന്ന ചിത്രത്തിൽ പ്രതിനായികയായാണ് സ്വാസിക എത്തുന്നത്.

നിരവധി പ്രമുഖ താരങ്ങൾ അണിനിരക്കുന്നു.

സംവിധായകൻ ലാൽ ബിജോയും അഷറഫ് മുഹമ്മദും ചേർന്നാണ് രചന. പ്രമോദ് കെ.പിള്ള ഛായാഗ്രഹണം നിർവഹിക്കുന്നു.

ഗാനങ്ങൾ റഫീഖ് അഹമ്മദ്, ബാപ്പു വെള്ളിപ്പറമ്പ്, വിമൽദേവ് എഡിറ്റർ പ്രജേഷ് പ്രകാശ്, കലാസംവിധാനം ദേവൻ കൊടുങ്ങല്ലൂർ ,മേക്കപ്പ് റഹിം കൊടുങ്ങല്ലൂർ, വസ്ത്രാലങ്കാരം നിസാർ റഹ്‌മത്ത് . പ്രൊഡക്ഷൻ കൺട്രോളർ ഷാജി പട്ടിക്കര. പി.ആർ.ഒ എ.എസ് ദിനേശ്. അതേസമയം കമൽ സംവിധാനം ചെയ്യുന്ന വിവേകാനന്ദൻ വൈറലാണ് സ്വാസികയുടേതായി റിലീസിന് ഒരുങ്ങുന്ന ചിത്രം.ഷൈൻ ടോം ചാക്കോയാണ് വിവേകാനന്ദൻ.സിദ്ധാർത്ഥ് ഭരതൻ സംവിധാനം ചെയ്ത ചതുരം ആണ് സ്വാസിക നായികയായി അവസാനം തിയേറ്ററിൽ എത്തിയ ചിത്രം.