കൊടുങ്ങല്ലൂർ: ജോയോർമ്മ 2023 എന്ന പേരിൽ ടി.എൻ.ജോയ് ഫൗണ്ടേഷന്റെ ആഭിമുഖ്യത്തിൽ ഇന്ന് ടി.എൻ.ജോയ് അനുസ്മരണം സംഘടിപ്പിക്കും. വൈകിട്ട് നാലിന് പണിക്കേഴ്‌സ് ഹാളിൽ മാദ്ധ്യമ പ്രവർത്തകൻ വെങ്കിടേഷ് രാമകൃഷ്ണൻ ഹിന്ദുത്വ @ 100 റിപ്പബ്ലിക് @ 75 എന്ന വിഷയത്തെ ആസ്പദമാക്കി പ്രഭാഷണം നടത്തും.

ഇന്റർനാഷണൽ പ്രസ് ഫ്രീഡം അവാർഡ് കരസ്ഥമാക്കിയ ഔട്ട്‌ലുക്ക് സീനിയർ എഡിറ്റർ കെ.കെ.ഷാഹിന മുഖ്യാതിഥിയാകും. പി.എൻ.ഗോപീകൃഷ്ണന്റെ ലോഗോസ് ബുക്‌സ് പുറത്തിറക്കുന്ന ഹിന്ദുത്വ രാഷ്ട്രീയത്തിന്റെ കഥ എന്ന പുസ്തകം കെ.കെ.ഷാഹിന, ടി.എൻ.ജോയ് ഫൗണ്ടേഷൻ ചെയർമാൻ വി.കെ.ശ്രീരാമന് നൽകി പ്രകാശനം ചെയ്യും. വാർത്താസമ്മേളനത്തിൽ യു.ടി.പ്രേംനാഥ്, അഡ്വ.അഷറഫ് സാബാൻ, പി.കെ.സദാനന്ദൻ എന്നിവർ സംബന്ധിച്ചു.