നടി ജ്യോതി ശിവരാമൻ പങ്കുവച്ച കുറിപ്പ് സമൂഹമാദ്ധ്യമത്തിൽ ശ്രദ്ധ നേടുന്നു. ബോൾഡ് ലുക്കിലുള്ള പല ഫോട്ടോ ഷൂട്ടുകളും ജ്യോതി ചെയ്യാറുണ്ട്. എന്നാൽ വസ്ത്രധാരണ രീതി അങ്ങനെയായതുകൊണ്ട് അഡ്ജസ്റ്റ് ചെയ്യാമോ എന്ന തരത്തിൽ മെസേജുകൾ തനിക്ക് ലഭിക്കാറുണ്ടെന്നാണ് ജ്യോതിയുടെ പോസ്റ്റ്.
വസ്ത്രം, വസ്ത്രമാണല്ലോ ഇപ്പോഴത്തെ പ്രധാന വിഷയം. എവിടെ നോക്കിയാലും കമന്റ്. ഇതേതാ ഈ തള്ള! ഇവർക്ക് മര്യാദയ്ക്ക് തുണി ഉടുത്തുകൂടെ. പോകട്ടെ. അതൊക്കെ പോട്ടെന്ന് വെക്കാം. ഓരോരുത്തരുടെ ചിന്താഗതിയാണ്. സങ്കുചിത ചിന്താഗതിക്കാർ കരഞ്ഞു മിഴുകി കൊണ്ടേ ഇരിക്കും. അതെനിക്കൊരു വിഷയമല്ല. പക്ഷേ പ്രശ്നം ഒന്നുണ്ട്. ഒരു വർക്കിന് വിളിച്ച ടീമിന്റെ മെസേജാണിത്. ഇത്തരം കോസ്റ്റ്യും ധരിക്കാമെങ്കിൽ അഡ്ജസ്റ്റ് ചെയ്യുന്നേലെന്താ പ്രശ്നം എന്ന്. കോസ്റ്റ്യും ഏതായിക്കോട്ടെ. എനിക്ക് കംഫർട്ടബിളായ ഡ്രസ് ഞാൻ ഇനീം ധരിക്കൂ.
അതിനർത്ഥം ഞാനെന്നല്ലാ ഏതൊരു പെണ്ണും നിന്റെ കൂടെ ഒക്കെ കിടക്ക പങ്കിടാൻ റെഡി ആണെന്നല്ല. ആ ചോദ്യമാണെന്നെ പ്രൊവോക്ക് ചെയ്തത്. ഇത്തരം ഡ്രസുകൾ ഇടാമെങ്കിൽ എന്തുകൊണ്ട് അഡ്ജസ്റ്റ് ചെയ്തൂടാന്ന്. വിവരമില്ലായ്മ അലങ്കാരമായിക്കൊണ്ട് നടക്കുന്ന ഇത്തരക്കാരോടെന്ത് പറഞ്ഞ് മനസിലാക്കാൻ ! ജ്യോതി കുറിച്ചു. പാപ്പച്ചൻ ഒളിവിലാണ്, ചാവേർ എന്നീ ചിത്രങ്ങളിൽ അഭിനയിച്ച താരമാണ് ജ്യോതി ശിവരാമൻ.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |