അഹമ്മദാബാദ്: നൂ​റ്റി​നാ​ല്പ​ത് ​കോ​ടി​ ​ഇ​ന്ത്യ​ക്കാ​രു​ടെ​ ​പ്രാ​ർ​ത്ഥ​ന​ക​ൾ​ ​വി​ഫലമാക്കി ഇന്ത്യയ്ക്ക് ലോകകപ്പ് നഷ്ടമായ ദിനമായിരുന്നു ഇന്നലെ. ലോ​ക​ത്തെ​ ​ഏ​റ്റ​വും​ ​വ​ലി​യ​ ​ക്രി​ക്ക​റ്റ് ​മൈ​താ​ന​മാ​യ​ ​അ​ഹ​മ്മ​ദാ​ബാ​ദി​ലെ​ ​ന​രേ​ന്ദ്ര​ ​മോ​ദി​ ​സ്റ്റേ​ഡി​യം​ ​നീ​ല​ക്ക​ട​ലാ​ക്കി​ ​ആ​ർ​ത്തു​വി​ളി​ച്ച​ ​ഒ​ന്ന​ര​ല​ക്ഷ​ത്തോ​ളം​ ​കാ​ണി​ക​ളെ​ ​നി​ശ​‌​ബ്ദ​രാ​ക്കി,​ ​ഫൈ​ന​ലി​ൽ​ ​ഇ​ന്ത്യ​യെ​ ​ആ​റ് ​വി​ക്ക​റ്റി​ന് ​കീ​ഴ​ട​ക്കി​യാണ്​ ​ഓ​സ്ട്രേ​ലി​യ​ ​ലോ​ക​കി​രീ​ട​ത്തി​ൽ​ ​മു​ത്ത​മി​ട്ടത്.

ഇതിനിടെ ക്രിക്കറ്റ് ഫീൽഡിൽ താൻ അനുഭവിച്ച ഏറ്റവും മധുരമുള്ള നിമിഷം ഏതാണെന്ന് വെളിപ്പെടുത്തിയിരിക്കുകയാണ് ഓസ്ട്രേലിയൻ ക്യാപ്‌ടൻ പാറ്റ് കമ്മിൻസ്. 26​-ാം​ ​ഓ​വ​റി​ലെ​ ​ആ​ദ്യ​ ​പ​ന്തി​ൽ​ ​കൊ​ഹ്‌​ലി​ ​ഈ​ ​ലോ​ക​ക​പ്പി​ലെ​ ​ത​ന്റെ​ ​ആ​റാം​ ​അ​ർ​ദ്ധ​ ​സെ​ഞ്ച്വ​റി​ ​തി​ക​ച്ചു നിൽക്കുന്ന സമയം. ഇ​ട​വേ​ള​യ്ക്ക് ​ശേ​ഷം​ 29​-ാം​ ​ഓ​വ​റി​ൽ​ ​പ​ന്തെ​ടു​ത്ത​ ​ക​മ്മി​ൻ​സ് ​കൊ​ഹ്‌​ലി​യെ​ ​ബൗൾഡാക്കുന്നു. ഒന്നരലക്ഷത്തോളം കാണികളെ ഒന്നാകെ മൗനത്തിലാക്കിയ നിമിഷമായിരുന്നു അത്. ഒരു സൂചി വീണാൽ കേൾക്കുമായിരുന്ന ആ നിമിഷമാണ് ക്രിക്കറ്റ് ഫീൽഡിലെ തന്റെ ഏറ്റവും മധുരമുള്ള നിമിഷമെന്ന് ക്യാപ്ടൻ കമ്മിൻസ് തുറന്ന് സമ്മതിക്കുന്നു. എന്താണ് സംഭവിച്ചതെന്നറിയാതെ കൊഹ്‌ലി പോലും ചലനമറ്റ് നിന്നുപോയ സമയമായിരുന്നു അത്.

ആ നിശ്ശബ്ദത അംഗീകരിക്കാൻ തങ്ങൾക്ക് ഒരു നിമിഷമെടുത്തെന്ന് കമ്മിൻസ് പറയുന്നു. 'എന്നത്തെയും പോലെ മറ്റൊരു സെഞ്ച്വറി നേടാനുള്ള തയ്യാറെടുപ്പിലായിരുന്നു കൊഹ്‌ലി. അതിനാൽ തന്നെ ആ നിശബ്ദത ഏറെ ആനന്ദം തരുന്നതായിരുന്നു. ഞങ്ങൾ വിജയിച്ചതുകൊണ്ടാകാം. ഈ ലോകകപ്പിന് ശേഷം ഏകദിന മത്സരങ്ങളോട് വീണ്ടും പ്രണയത്തിലായിരിക്കുന്നു ഞാൻ. ഈ നിമിഷത്തിൽ വലിയ അഭിമാനം തോന്നുന്നു. ടീമിലുള്ളവരെല്ലാം ഇപ്പോൾ അഭിമാനിക്കുകയാണ്'- ഓസ്ട്രേലിയയുടെ ക്യാപ്ടൻ പറഞ്ഞു.

ആ​ദ്യം​ ​ബാ​റ്റ് ​ചെ​യ്ത​ ​ഇ​ന്ത്യ​ 50​ ​ഓ​വ​റി​ൽ​ 240​ ​റ​ൺ​സി​ന് ​ഓ​ൾ​ഔ​ട്ടാ​വുകയായിരുന്നു.​ ​മ​റു​പ​ടി​ക്ക​റ​ങ്ങി​യ​ ​ഓ​സ്ട്രേ​ലി​യ​ ​ഓ​പ്പ​ണ​ർ​ ​ട്രാ​വി​സ് ​ഹെ​ഡി​ന്റെ​ ​സെ​ഞ്ച്വ​റി​യു​ടെ​ ​പി​ൻ​ബ​ല​ത്തി​ൽ​ 43​ ​ഓ​വ​റി​ൽ​ ​അ​നാ​യാ​സമാണ്​ ​വി​ജ​യ​ല​ക്ഷ്യ​ത്തി​ലെ​ത്തിയത്​ ​(241​/4​).