ഇംഫാൽ: ഇന്നലെ മണിപ്പൂരിലെ കാംഗ്പോക്പി ജില്ലയിലുണ്ടായ ആക്രമണത്തിൽ രണ്ട് കുക്കി വിഭാഗക്കാ‌ർ കൊല്ലപ്പെട്ടു. കാംഗ്പോക്പിയിലെ കൊബ്സാ ഗ്രാമത്തിലാണ് ആക്രമണം നടന്നത്. സംഭവത്തിന് പിന്നിൽ മേയ്തെയി വിഭാഗക്കാരാണെന്ന് കുക്കി സംഘടനകൾ ആരോപിച്ചു. സംഭവത്തിൽ പ്രതിഷേധിച്ച് വിവിധ കുക്കി സംഘടനകൾ ഇന്നലെ ജില്ലയിൽ ബന്ദ് ആചരിച്ചു. ഇതിനിടെ കലാപം പൂർണ്ണമായി അവസാനിപ്പിച്ച്. സംസ്ഥാനത്ത് ക്രമസമാധാനം ഉറപ്പിക്കാൻ പ്രധാനമന്ത്രി ഇടപെടണമെന്ന് ആവശ്യപ്പെട്ട് പത്തു പ്രതിപക്ഷ സംഘടനകൾ മണിപ്പൂർ ഗവർണർക്ക് കത്ത് നൽകി. അതേസമയം, കൂടുതൽ സേനയെ പ്രദേശത്ത് വിന്യസിച്ചിട്ടുണ്ടെന്നും സംഭവത്തിൽ ഉൾപ്പെട്ടവരെ പിടികൂടാൻ തെരച്ചിൽ തുടരുകയാണെന്നും അധികൃതർ അറിയിച്ചു.