കൊല്ലം: എൻ.ഡി.എ സംസ്ഥാന ചെയർമാൻ കെ. സുരേന്ദ്രൻ നയിക്കുന്ന കേരള പദയാത്രയുടെ ഭാഗമായി കൊല്ലം ലോക്സഭ മണ്ഡലത്തിലെ 5000 കേന്ദ്രങ്ങളിൽ ഇന്ന് പതാകദിനം ആഘോഷിക്കും. ബൂത്ത് തലങ്ങളിലെ പ്രധാനപ്പെട്ട ജംഗ്ഷനുകളിൽ പതാക ഉയർത്തും. മോദിയുടെ ഗ്യാരണ്ടി പുതിയ കേരളം എന്ന മുദ്രാവാക്യം ഉയർത്തിയാണ് പദയാത്ര നടത്തുന്നത്. കൊല്ലം ലോക്സഭാ മണ്ഡലത്തിൽ ഫെബ്രുവരി 6നാണ് പദയാത്ര. വൈകിട്ട് 3ന് ചിന്നക്കടയിൽ നിന്നാരംഭിക്കുന്ന പദയാത്ര മാടൻനടയിൽ സമാപിക്കും. ചാത്തന്നൂർ: ബി. ബി ഗോപകുമാർ, കൊല്ലം: എസ്. പ്രശാന്ത്, ചവറ : വെള്ളിമൺ ദിലീപ്, വെറ്റമുക്ക് സോമൻ, കുണ്ടറ: എ. ജി ശ്രീകുമാർ, ചടയമംഗലം : ബി. ശ്രീകുമാർ, ഇരവിപുരം : ആർ.സുരേന്ദ്രനാഥ്, പുനലൂർ: പുത്തയം ബിജു എന്നിവർ പതാകദിന കേന്ദ്രങ്ങളിൽ നേതൃത്വം കൊടുക്കുമെന്ന് ബി.ജെ.പി ജില്ലാ പ്രസിഡന്റ് ബി.ബി. ഗോപകുമാർ അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |