എം.ജി കോളേജിൽ നടത്താനിരുന്ന അഞ്ചാം സെമസ്റ്റർ സി.ബി.സി.എസ്.എസ്. ബി.എസ്സി. സൈക്കോളജി കോർ പ്രാക്ടിക്കൽ പരീക്ഷ പുനഃക്രമീകരിച്ചു. പുതുക്കിയ ടൈംടേബിൾ വെബ്സൈറ്റിൽ.
നാലാം സെമസ്റ്റർ എം.എ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം പ്രസിദ്ധീകരിച്ചു.
മൂന്നാം സെമസ്റ്റർ എം.എസ്സി കെമിസ്ട്രി, അനലിറ്റിക്കൽ കെമിസ്ട്രി, അപ്ലൈഡ് കെമിസ്ട്രി, മെഡിസിനൽ കെമിസ്ട്രി പരീക്ഷാഫലം പ്രസിദ്ധീകരിച്ചു.
അഞ്ചാം സെമസ്റ്റർ സി.ബി.സി.എസ്.എസ്. ബി.എസ്സി പരീക്ഷയുടെ മൈക്രോ ബയോളജി കോർ പ്രാക്ടിക്കൽ പരീക്ഷകൾ 13ന് തുടങ്ങും.
ഒന്നാം സെമസ്റ്റർ സി.ആർ. സി.ബി.സി.എസ്.എസ്. ബി.എസ്സി. കമ്പ്യൂട്ടർ സയൻസ് പരീക്ഷകളുടെ പ്രാക്ടിക്കൽ 8ന് തുടങ്ങും.
രണ്ടാം സെമസ്റ്റർ എം.എസ്സി ഫിസിക്സ് പരീക്ഷയുടെ പ്രാക്ടിക്കൽ 7 മുതൽ 16 വരെ നടത്തും.
രണ്ടാം സെമസ്റ്റർ എം.എസ്സി എൻവയോൺമെന്റൽ സയൻസ് പരീക്ഷയുടെ പ്രാക്ടിക്കൽ 8 മുതൽ 13 വരെ അതത് കോളേജുകളിൽ നടത്തും.
വിദൂരവിദ്യാഭ്യാസ വിഭാഗം മൂന്നാം സെമസ്റ്റർ (ബി.എ./ ബികോം./ബി.ബി.എ. - 2022 അഡ്മിഷൻ) ബിരുദ കോഴ്സുകളുടെ ട്യൂഷൻ ഫീസ്, അസൈൻമെന്റ് ഫീസ് എന്നിവ പിഴകൂടാതെ 14 വരെ അടയ്ക്കാം.
ഒന്നാം സെമസ്റ്റർ ബി.ടെക് പാർട്ട് ടൈം റീസ്ട്റക്ചേർഡ് കോഴ്സിന്റെ (2013 സ്കീം), ജനുവരി പരീക്ഷാ വിജ്ഞാപനം പ്രസിദ്ധീകരിച്ചു.
കാലിക്കറ്റ് സർവകലാശാല
പരീക്ഷാ അപേക്ഷ
നാലാം സെമസ്റ്റർ എം.സി.എ (2020 പ്രവേശനം മുതൽ) ഏപ്രിൽ 2024 റഗുലർ, സപ്ലിമെന്ററി പരീക്ഷകൾക്ക് പിഴ കൂടാതെ 27 വരെയും 180 രൂപ പിഴയോടെ 29 വരെയും അപേക്ഷിക്കാം. ലിങ്ക് ഫെബ്രുവരി 13 മുതൽ ലഭ്യമാകും.
പരീക്ഷാ ഫലം
മൂന്നാം സെമസ്റ്റർ ബി.ആർക് (2014 മുതൽ പ്രവേശനം) നവംബർ 2023 റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിന് 22 വരെ അപേക്ഷിക്കാം.
എസ്.ഡി.ഇ നാലാം സെമസ്റ്റർ എം.എ ഹിന്ദി (2019 മുതൽ 2021 വരെ പ്രവേശനം) ഏപ്രിൽ 2023 പരീക്ഷാഫലം പ്രസിദ്ധീകരിച്ചു.
കേന്ദ്ര സർവകലാശാലയിൽ പി.ജി
അപേക്ഷാ തീയതി നീട്ടി
കാസർകോട്: കേരള കേന്ദ്ര സർവകലാശാലയിൽ ബിരുദാനന്തര ബിരുദ പ്രോഗ്രാമുകളിലേക്ക് ഫെബ്രുവരി ഏഴിന് രാത്രി 11.50 വരെ pgcuet.samarth.ac.in ലൂടെ ഓൺലൈനായി അപേക്ഷ നൽകാം. രാജ്യത്തെ വിവിധ സർവകലാശാലകളിലേക്കും ഉന്നത വിദ്യാഭ്യാസ സ്ഥാപനങ്ങളിലേക്കും നാഷണൽ ടെസ്റ്റിംഗ് ഏജൻസി (എൻ.ടി.എ) നടത്തുന്ന പൊതുപ്രവേശന പരീക്ഷയിലൂടെയാണ് (സി.യു.ഇ.ടി - പി.ജി)കേരള കേന്ദ്ര സർവകലാശാല പ്രവേശനം. ഫെബ്രുവരി എട്ടിന് രാത്രി 11.50 വരെയാണ് ഫീസടയ്ക്കാനുള്ള സമയം. ഒമ്പത് മുതൽ 11 വരെ അപേക്ഷയിലെ തെറ്റുകൾ തിരുത്താം. പരീക്ഷാകേന്ദ്രം സംബന്ധിച്ച അറിയിപ്പ് മാർച്ച് നാലിന് ലഭിക്കും. മാർച്ച് ഏഴ് മുതൽ അഡ്മിറ്റ് കാർഡ് ഡൗൺലോഡ് ചെയ്യാം. മാർച്ച് 11 മുതൽ 28 വരെയുള്ള തീയതികളിലാണ് പരീക്ഷ. കൂടുതൽ വിവരങ്ങൾക്ക് www.nta.ac.in ഹെൽപ്പ് ഡസ്ക്: 01140759000. ഇ മെയിൽ: cuet-pg@nta.ac.in സർവകലാശാല വെബ്സൈറ്റ്: www.cukerala.ac.in
മെഡിക്കൽ പി.ജി: അക്കൗണ്ട് വിവരം നൽകണം
തിരുവനന്തപുരം: മെഡിക്കൽ പി.ജി പ്രവേശനത്തിന് എൻട്രൻസ് കമ്മിഷണർക്ക് അടച്ച ഫീസിൽ റീഫണ്ടിന് അർഹരായവരുടെ ലിസ്റ്റ് www.cee.kerala.gov.in ൽ പ്രസിദ്ധീകരിച്ചു. ബാങ്ക് അക്കൗണ്ട് വിവരങ്ങൾ 12ന് വൈകിട്ട് 5നകം നൽകണം. ഹെൽപ് ലൈൻ : 0471-2525300.
ബിടെക് ഓണേഴ്സ് പരീക്ഷ മാറ്റി
തിരുവനന്തപുരം: സാങ്കേതിക സർവകലാശാല ടെക്ഫെസ്റ്റും കെറ്റ്കോണും 16,17, 18 തീയതികളിൽ നടക്കുന്നതിനാൽ 17 ന് നടത്താനിരുന്ന ബി.ടെക് അഞ്ച്, ഏഴ് സെമസ്റ്ററുകളിലെ ഓണേഴ്സ് പരീക്ഷകൾ മാർച്ച് രണ്ടിന് നടത്തും.
ഇനവേറ്റീവ് സ്റ്റുഡന്റ് പ്രോജക്ടിലേക്കുള്ള സാമ്പത്തിക സഹായത്തിന് അപേക്ഷിക്കാനുള്ള തീയതി 7 വരെ നീട്ടി. പ്രോജക്ടുകളുടെ സാദ്ധ്യതയും പ്രസക്തിയും പരിശോധിച്ചതിനുശേഷം പരമാവധി 10 പ്രോജക്ടുകൾ കോളേജുകൾക്ക് സമർപ്പിക്കാം. പദ്ധതിയുടെ വിശദാംശങ്ങളും അപേക്ഷാഫോറവും സർവകലാശാലയുടെ വെബ്സൈറ്റിൽ.
ഇന്റേൺഷിപ്പ് പ്രോഗ്രാം
തിരുവനന്തപുരം: നിയമസഭയുടെ ലെജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡി സെന്ററിന്റെ ആഭിമുഖ്യത്തിൽ നിയമ ബിരുദ വിദ്യാർത്ഥികൾക്കായി നടത്തുന്ന പാർലമെന്ററി ഇന്റേൺഷിപ്പ് പ്രോഗ്രാമിന്റെ ഏപ്രിൽ, മേയ് മാസങ്ങളിലെ ബാച്ചുകളിലേക്ക് മാർച്ച് 15നകം അപേക്ഷിക്കാം. വിവരങ്ങൾക്ക്: www.niyamasabha.org, 0471-2512662, 2512453.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |