SignIn
Kerala Kaumudi Online
Sunday, 01 September 2024 5.01 AM IST

വന്യജീവി അധിനിവേശം തടയാൻ വേണം, വയനാട്ടിൽ പദ്ധതി

Increase Font Size Decrease Font Size Print Page
komban
വന്യജീവിശല്യം

കൽപ്പറ്റ: വന്യജീവികൾ നാട്ടിലേക്കിറങ്ങുന്നതിന് തടയിടാൻ പ്രതിവിധി കണ്ടെത്തേണ്ടവർ മൗനത്തിലായതോടെ ഭീതിയിലാണ് വയനാട്ടുകാരുടെ ജീവിതം. വന്യജീവികളെ വനത്തിൽത്തന്നെ നിർത്തുന്നതിനുള്ള പദ്ധതികളാണ് വയനാടിന് ഇനി ആവശ്യമെന്ന് ചൂണ്ടിക്കാണിക്കുമ്പോഴും അതിനുള്ള നടപടികൾ ഉണ്ടാവുന്നില്ല.

കഴിഞ്ഞ പത്ത് വർഷത്തിനിടെ വന്യജീവി ആക്രമണത്തിൽ ജില്ലയിൽ 51 പേർക്കു ജീവഹാനി സംഭവിച്ചു. കാട്ടാന ആക്രമണത്തിൽ 41 പേർ മരിച്ചു. കടുവ ഏഴും കാട്ടുപോത്ത് രണ്ടും ആളുകളെ കൊന്നു. കാട്ടുപന്നി ഒരാളെ വകവരുത്തി. ദശാബ്ദത്തിനിടെ നിരവധിയാളുകൾക്കാണ് വന്യജീവി ആക്രമണത്തിൽ പരിക്കേറ്റത്. വന്യജീവി ആക്രമണത്തിൽ മരിച്ചവരുടെ ആശ്രിതർക്കും പരിക്കേറ്റവർക്കും കൃഷി നശിച്ചവർക്കുമായി 11.89 കോടി രൂപയാണ് വയനാട് ജില്ലയിൽ വനം വകുപ്പ് വിതരണം ചെയ്തത്.
സ്വാഭാവിക വനം ഇല്ലാതായതാണ് വന്യ ജീവികൾ നാട്ടിലേക്ക് ഇറങ്ങാൻ കാരണമാവുന്നത്. അധിനിവേശ സസ്യങ്ങൾ തഴച്ച് വളരുന്നതും വയനാട്ടിൽ നൂറുകണക്കിനു ഹെക്ടർ സ്വാഭാവിക വനം ഏകവിളത്തോട്ടമാക്കിയതും കാടില്ലാതാക്കി.23 ഇനം അധിനിവേശ സസ്യങ്ങളാണ് തഴച്ചുവളരുന്നത്. അതും വയനാട് വന്യജീവി സങ്കേതത്തിൽ.നീലഗിരി ജൈവ മണ്ഡലത്തിൽ അധിനിവേശ സസ്യങ്ങളിൽ അധികവും 344.4 ചതുരശ്ര കിലോമീറ്റർ മാത്രം വിസ്തൃതിയുള്ള വയനാട് വന്യജീവി സങ്കേതത്തിലാണ്. മഞ്ഞക്കൊന്ന, അരിപ്പൂ(കൊങ്ങിണി), കമ്മ്യൂണിസ്റ്റ്പച്ച, ആനത്തൊട്ടാവാടി, ധൃതരാഷ്ട്രപ്പച്ച, പാർത്തീനിയം, കമ്മൽപ്പൂ ഇതൊക്കെയാണ് അധിനിവേശ സസ്യ ഇനങ്ങളുടെ നിര.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, KOZHIKODE
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.