കേന്ദ്ര വനിത ശിശുക്ഷേമ മന്ത്രാലയം, ഡൽഹി ഇന്റേൺഷിപ് ഇന്ത്യൻ പ്രോഗ്രാമുകൾക്ക് അപേക്ഷ ക്ഷണിച്ചു. അഭ്യസ്തവിദ്യരായ യുവതികൾക്ക് അപേക്ഷിക്കാം. ബിരുദം പൂർത്തിയാക്കിയ പെൺകുട്ടികൾക്കും അദ്ധ്യാപകർക്കും അപേക്ഷിക്കാം. മന്ത്രാലയം നടത്തുന്ന പ്രോഗ്രാമുകളെക്കുറിച്ചും, നയരൂപീകരണ മേഖലയെക്കുറിച്ചുമുള്ള അറിവുകൾ പ്രദാനം ചെയ്യുക എന്നുള്ളതാണ് ഇന്റേൺഷിപ് പ്രോഗ്രാമിന്റെ ലക്ഷ്യം. തിരഞ്ഞെടുക്കുന്ന ഉദ്യോഗാർത്ഥികൾ അതുമായി ബന്ധപ്പെട്ട പൈലറ്റ് പ്രോജക്ടുകൾ മന്ത്രാലയത്തിന്റെ അനുമതിയോടുകൂടി ചെയ്യണം. അപേക്ഷകരുടെ പ്രായപരിധി 21നും 40 വയസ്സിനും ഇടയിലായിരിക്കണം. പ്രതിമാസം 20,000 രൂപ വീതം സ്റ്റൈപ്പെൻഡ് ലഭിക്കും. അപേക്ഷിക്കേണ്ട അവസാന തീയതി ഫെബ്രുവരി 10. മാർച്ച് 1 മുതൽ ഏപ്രിൽ 30 വരെയാണ് ഇന്റേൺഷിപ്. ഇതുമായി ബന്ധപ്പെട്ട കൂടുതൽ വിവരങ്ങൾക്ക് mwcd-research@gov.in ൽ ബന്ധപ്പെട്ടാൽ മതി.
ഡോക്ടറൽ പ്രോഗ്രാം @ ബേസിൽ യൂണിവേഴ്സിറ്റി, സ്വിറ്റ്സർലാൻഡ്
സ്വിറ്റ്സർലൻഡിലെ ബേസിലിലുള്ള യൂണിവേഴ്സിറ്റി ഒഫ് ബേസിൽ- ബയോമെഡിസിൻ ഡിപ്പാർട്ട്മെന്റ് കമ്പ്യൂട്ടേഷണൽ ബയോളജി, സിസ്റ്റംസ്, ഫാർമക്കോളജി, മെറ്റബോളിക് റെഗുലേഷൻ എന്നിവയിൽ പി എച്ച്. ഡി പ്രോഗ്രാമിന് അപേക്ഷ ക്ഷണിച്ചു. ബയോ എൻജിനിയറിംഗ്, ബയോളജിക്കൽ സയൻസ്, മൈക്രോബയോളജി, ബയോകെമിസ്ട്രി, സിസ്റ്റംസ് ബയോളജി, മോളിക്യൂലാർ ബയോളജി, കമ്പ്യൂട്ടട്ടേഷണൽ ബയോളജി എന്നിവയിൽ ബിരുദാനന്തര പഠനം പൂർത്തിയാക്കിയവർക്ക് അപേക്ഷിക്കാം.മൈക്രോബയോളജി മേഖലയുമായി ബന്ധപ്പെട്ട പ്രവൃത്തിപരിചയം അത്യന്താപേക്ഷിതമാണ്. ഇംഗ്ലീഷ് ആശയവിനിമയശേഷി വിലയിരുത്തും. അപേക്ഷ സ്വീകരിക്കുന്ന അവസാന തീയതി ഫെബ്രുവരി 28. കൂടുതൽ വിവരങ്ങൾക്ക് www.unibas.ch .
ജെ.ഇ.ജെ.ഇ മെയിൻ പരീക്ഷ രണ്ടാംഘട്ടം ഏപ്രിൽ നാലു മുതൽ
ജെ.ഇ.ജെ.ഇ മെയിൻ പരീക്ഷ രണ്ടാംഘട്ടം ഏപ്രിൽ നാലിനും മേയ് 15 നുമിടയിൽ നടക്കും. ആദ്യ സെഷൻ പരീക്ഷയ്ക്ക് മാത്രം അപേക്ഷിച്ച് വിജയകരമായി പരീക്ഷാഫീസ് അടച്ചവർ രണ്ടാം സെഷൻ അപേക്ഷിക്കാൻ ആഗ്രഹിക്കുന്ന പക്ഷം, ആദ്യ സെഷനിലെ അപേക്ഷ നമ്പർ, പാസ്സ്വേർഡ് എന്നിവ ഉപയോഗിച്ച് വെബ്സൈറ്റ് ലോഗിൻ ചെയ്യണം. ഇതുമായി ബന്ധപ്പെട്ട കൂടുതൽ വിവരങ്ങൾക്ക് www.jeemain.nta.ac.in. രണ്ടു സെഷനും കൂടി അപേക്ഷിച്ചവർ വീണ്ടും അപേക്ഷിക്കേണ്ടതില്ല.
മാനേജിംഗ് ഡയറക്ടർ
ഡെപ്യൂട്ടേഷൻ നിയമനം
തിരുവനന്തപുരം: ന്യൂനപക്ഷ ക്ഷേമ വകുപ്പിന് കീഴിലുള്ള പൊതുമേഖല സ്ഥാപനമായ കേരള സംസ്ഥാന ന്യൂനപക്ഷ വികസന ധനകാര്യ കോർപ്പറേഷൻ മാനേജിംഗ് ഡയറക്ടർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ സംസ്ഥാന സർക്കാർ/ കേന്ദ്ര സർക്കാർ/ പൊതുമേഖലാ സ്ഥാപനങ്ങളിലെ ജീവനക്കാർ എന്നിവരിൽ നിന്ന് അപേക്ഷ ക്ഷണിച്ചു. വിശദ വിവരങ്ങൾക്ക് www.kerala.gov.in, www.prd.kerala.gov.in
ഓൺലൈൻ സർട്ടിഫിക്കറ്റ് കോഴ്സ്
തിരുവനന്തപുരം: ഐ.എം.ജി വിവരാവകാശ നിയമത്തെക്കുറിച്ച് നടത്തുന്ന സൗജന്യ ഓൺലൈൻ സർട്ടിഫിക്കറ്റ് കോഴ്സിനുള്ള രജിസ്ട്രേഷൻ ആരംഭിച്ചു. കോഴ്സ് 16 മുതൽ ആരംഭിക്കും. rti.img.kerala.gov.in എന്ന വെബ്സൈറ്റിലൂടെ 16ന് മുൻപ് രജിസ്റ്റർ ചെയ്യണം.
യോഗ സർട്ടിഫിക്കറ്റ് പ്രോഗ്രാം
തിരുവനന്തപുരം: സ്റ്റേറ്റ് റിസോഴ്സ് സെന്ററിന്റെ എസ്.ആർ.സി കമ്മ്യൂണിറ്റി നടത്തുന്ന യോഗ സർട്ടിഫിക്കറ്റ് പ്രോഗ്രാമിന് https://app.srccc.in/register ലിങ്കിൽ 15വരെ അപേക്ഷിക്കാം. ഫോൺ- 0471-2325101, 8281114464. വെബ്സൈറ്റ്- www.srccc.in
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |