തിരുവനന്തപുരം: നഗരസഭയുടെ ഒരുവട്ട പരിശോധന കഴിഞ്ഞ് മാസങ്ങൾക്കുള്ളിൽ നഗരത്തിലെ പ്രധാനയിടങ്ങളെല്ലാം ഫ്ളക്സ് ബോർഡുകളും കൊടിതോരണങ്ങളും കൊണ്ട് നിറഞ്ഞു. ഫുട്പാത്തിൽ പോലും കെട്ടിയിരിക്കുന്ന ഫ്ലക്സ് ബോർഡുകളും കൊടികളും കാരണം കാൽനടയാത്രക്കാരും ബുദ്ധിമുട്ടിലാണ്. വേഗത്തിൽ നടന്നുപോകുമ്പോൾ അപ്രതീക്ഷിതമായി മുന്നിലെത്തുന്ന കൊടി മുഖത്തടിച്ച് പലർക്കും പരിക്കേറ്റിട്ടുണ്ട്. വളവുകളിലും മറ്റും സ്ഥാപിക്കുന്നവ അപകടങ്ങൾക്കും കാരണമാകുന്നു.
ട്രാഫിക്ക് സിഗ്നൽ ലൈറ്റുകൾ പോലും മറയുന്ന രീതിയിൽ ഫ്ളക്സുകളും കൊടികളും വച്ചിട്ടുണ്ട്.നഗരത്തിലെ പ്രധാന ജംഗ്ഷനുകളായ കവടിയാർ,പാളയം,പി.എം.ജി,പാറ്റൂർ,ചാക്ക,മ്യൂസിയം,വെള്ളയമ്പലം,ശാസ്തമംഗലം,വഴുതക്കാട് തുടങ്ങിയ ഇടങ്ങളിൽ ഫ്ളക്സുകളുടെ അതിപ്രസരമാണ്.ഏറ്റവും കൂടുതൽ സമരം നടക്കുന്ന സെക്രട്ടേറിയറ്റിന് മുന്നിലും സമീപത്തുമെല്ലാം ഭരണാനുകൂല സംഘടനകളുടെ സമ്മേളന ബോർഡുകളാണ്. പരിപാടി കഴിഞ്ഞാലും പലരും ഇവ മാറ്റാറില്ല.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |