കൊടുങ്ങല്ലൂർ : സി.പി.എം ഏരിയാ കമ്മിറ്റിയുടെ നേതൃത്വത്തിൽ 134 ബ്രാഞ്ചുകളിലും സംയോജിത കൃഷി നടത്തും. ക്ഷീര മത്സ്യ മേഖലയിലും കോഴിമുട്ട ഉദ്പാദന രംഗത്തും പദ്ധതി നടപ്പാക്കും. തുടർന്ന് എല്ലാ ലോക്കൽ കേന്ദ്രങ്ങളിലും വിഷുവിനോടനുബന്ധിച്ച് പ്രാദേശിക ചന്തകൾ നടത്താനും ഏരിയാതല സംഘാടക സമിതി രൂപീകരിച്ചു. സംഘാടക സമിതി ഭാരവാഹികളായി കെ.ആർ. ജൈത്രൻ (പ്രസിഡന്റ്), എം.എസ്. മോഹനൻ (സെക്രട്ടറി) എന്നിവരെ തിരഞ്ഞെടുത്തു. കൊടുങ്ങല്ലൂർ ഏരിയാതല ഉദ്ഘാടനം മേത്തല ചാലക്കുളത്ത് ജില്ലാ സെക്രട്ടേറിയറ്റംഗം പി.കെ. ചന്ദ്രശേഖരൻ നിർവഹിച്ചു. ഏരിയാ സെക്രട്ടറി കെ.ആർ. ജൈത്രൻ അദ്ധ്യക്ഷനായി. കർഷകസംഘം ഏരിയാ സെക്രട്ടറി എം.എസ്. മോഹനൻ, കെ.കെ. അബീദലി, കെ.എസ്. കൈസാബ്, ഷീല രാജ് കമൽ, ലോക്കൽ കമ്മിറ്റി സെക്രട്ടറി കെ.കെ. വിജയൻ എന്നിവർ പ്രസംഗിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |