കൊച്ചി: ഇരുചക്ര, മുച്ചക്ര വാഹന രംഗത്തെ പ്രമുഖ നിർമാതാക്കളായ ടി.വി.എസ് മോട്ടോർ കമ്പനി ആഗോള വിപണിയിലേക്കുള്ള മെയ്ഡ് ഇൻ ഇന്ത്യ സംരംഭങ്ങൾ ഭാരത് മൊബിലിറ്റി ഗ്ലോബൽ എക്സ്പോയിൽ അവതരിപ്പിച്ചു. നിലവിൽ മൊത്തം നൂറ് കോടി ഡോളറിന്റെ വാഹനങ്ങളാണ് ടി.വി.എസ് കയറ്റിഅയക്കുന്നത്. 80 രാജ്യങ്ങളിൽ സാന്നിദ്ധ്യമുള്ള കമ്പനിയുടെ ആകെ ബിസിനസിന്റെ 30 ശതമാനമാണിത്. കണക്റ്റഡും സാങ്കേതിക മികവാർന്ന മൊബിലിറ്റി പരിഹാരങ്ങളിലും ശ്രദ്ധ കേന്ദ്രീകരിക്കുന്ന കമ്പനി ആത്മനിർഭർ ഭാരതിനെ പിന്തുണയ്ക്കുന്നു. അടുത്ത ഏതാനും വർഷങ്ങൾക്കുള്ളിൽ കയറ്റുമതി വരുമാനം 50 ശതമാനമായി ഉയർത്തനാണ് ടി.വി.എസ് ലക്ഷ്യമിടുന്നത്.
ഇന്ത്യയെ ഏറ്റവും വേഗത്തിൽ വളരുന്ന സാമ്പത്തിക ശക്തിയാക്കി മാറ്റുന്നതിൽ പങ്കുവഹിച്ച പ്രധാനമന്ത്രിയെ ടി.വി.എസ്മോട്ടോർ കമ്പനി മാനേജിംഗ് ഡയറക്ടർ സുദർശൻ വേണു നന്ദി അറിയിച്ചു. ഭാവിയിലെ സാങ്കേതികവിദ്യകൾ, ഉത്പ്പന്നങ്ങൾ, ഡിജിറ്റൽ കഴിവുകൾ എന്നിവയുടെ രൂപകൽപ്പന, വികസനം, വിന്യാസം എന്നിവയ്ക്കായി 5,000കോടി രൂപ നിക്ഷേപിക്കുമെന്നും അദ്ദേഹം വ്യക്തമാക്കി.
ബാറ്ററി നിർമ്മാണം, ബാറ്ററി മാനേജ്മെന്റ് സിസ്റ്റം, വെഹിക്കിൾ കൺട്രോൾ യൂണിറ്റ്, ഇൻഫോടെയ്ൻമെന്റ് സിസ്റ്റം എന്നിവയുൾപ്പെടെയുള്ള ഇൻഹൗസ് ഇ.വിയും കണക്റ്റഡ് കഴിവുകളുമുള്ള ഇന്ത്യയിലെ ഏക ഒ.ഇ.എം ആണ് ടിവിഎസ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |