കുവൈറ്റ് സിറ്റി: കുവൈറ്റിൽ ഫാമിലി, ടൂറിസ്റ്റ്, കൊമേഴ്ഷ്യൽ വിസിറ്റ് വിസകൾ വീണ്ടും അനുവദിച്ചുതുടങ്ങി. വിസ നടപടിക്രമങ്ങളിൽ നിയന്ത്രണങ്ങളുൾപ്പെടെയുള്ള ചട്ടങ്ങൾ ഏർപ്പെടുത്തുന്നതിന്റെ ഭാഗമായി 2022 ജൂണിലാണ് വിസിറ്റ് വിസകൾ അനുവദിക്കുന്നത് നിറുത്തിവച്ചത്. കുറഞ്ഞത് 400 കുവൈറ്റി ദിനാർ ശമ്പളമുള്ള അപേക്ഷകന് ഭാര്യ, മക്കൾ, മാതാപിതാക്കൾ എന്നിവരെ ഫാമിലി വിസയിൽ രാജ്യത്ത് കൊണ്ടുവരാം. എന്നാൽ കൂടുതൽ ബന്ധുക്കളെ കൊണ്ടുവരണമെങ്കിൽ അപേക്ഷകന് കുറഞ്ഞത് 800 കുവൈറ്റി ദിനാർ ശമ്പളം വേണം. അതേ സമയം, വിസിറ്റ് വിസയിലെത്തുന്നവർ കുവൈറ്റ് ദേശീയ വിമാനങ്ങളിൽ തന്നെ മടങ്ങണം, ചികിത്സയ്ക്ക് സ്വകാര്യ ആശുപത്രികൾ ഉപയോഗിക്കണം, വിസാ കാലാവധിക്കു മുമ്പ് രാജ്യം വിട്ടില്ലെങ്കിൽ നിയമനടപടി തുടങ്ങിയ പുതിയ നിബന്ധനകളും ഇന്നലെ മുതൽ പ്രാബല്യത്തിൽ വന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |