കാസർകോട്: രണ്ട് വർഷം മുമ്പ് പൈവളിഗെയിൽ ഗൾഫുകാരനെ മരത്തിൽ കെട്ടിയിട്ട് തല്ലിക്കൊന്ന കേസിൽ വിദേശത്ത് ഒളിവിൽ കഴിഞ്ഞിരുന്ന മുഖ്യപ്രതി പൊലീസ് സ്റ്റേഷനിൽ കീഴടങ്ങി. പൈവളിഗെയിലെ നൂർഷ (39) ആണ് ഇന്നലെ രാവിലെ മഞ്ചേശ്വരം സ്റ്റേഷൻ ഹൗസ് ഓഫീസർ മുമ്പാകെ കീഴടങ്ങിയത്. സീതാംഗോളി മുഗുവിലെ അബൂബക്കർ സിദ്ദീഖിനെ കൊലപ്പെടുത്തിയെന്നാണ് കേസ്. സ്വർണക്കടത്ത് സംഭവവുമായി ബന്ധപ്പെട്ടാണ് അബൂബക്കർ സിദ്ദീഖിനെ പൈവളിഗെയിലേക്ക് വിളിച്ചുവരുത്തി കുന്നിന് മുകളിലേക്ക് കാറിൽ കൂട്ടികൊണ്ടു പോയി നൂർഷയുടെ നേതൃത്വത്തിലുള്ള 11 അംഗ സംഘം കൊലപ്പെടുത്തിയതെന്നാണ് കേസ്. മർദ്ദനമേറ്റ് അബോധാവസ്ഥയിലായ സിദ്ദീഖിനെ കാറിൽ കൊണ്ടുവന്ന് ബന്തിയോട്ടെ ഒരു സ്വകാര്യ ആശുപത്രിയുടെ മുറ്റത്ത് ഉപേക്ഷിച്ച് രക്ഷപ്പെടുകയായിരുന്നു. കേസിൽ നാല് പ്രതികളെ കൂടി പിടികൂടാനുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |