മാത്തിൽ: കാങ്കോൽ ആലപ്പടമ്പ ഗ്രാമ പഞ്ചായത്തിന്റെയും കുടുംബാരോഗ്യ കേന്ദ്രത്തിന്റെയും നേതൃത്വത്തിൽ വിര വിമുക്ത ദിനത്തിൽ പരിശീലനം നൽകി. സ്കൂൾ അദ്ധ്യാപകർ, അങ്കണവാടി ടീച്ചർമാർ, ആഷാ പ്രവർത്തകർ എന്നിവർ പരിശീലനത്തിൽ പങ്കെടുത്തു. പഞ്ചായത്ത് പ്രസിഡന്റ് എം.വി.സുനിൽകുമാർ ഉദ്ഘാടനം ചെയ്തു. മെഡിക്കൽ ഓഫീസർ ഡോക്ടർ ഓങ്കാർനാഥ് വിഷയാവതരണം നടത്തി. ഹെൽത്ത് ഇൻസ്പെക്ടർ കെ.ടി.ജയപ്രകാശ് ക്ലാസെടുത്തു.ഗുളിക വിതരണ പരിശീലനം നൽകി. വിര ഗുളിക ദിനത്തിന്റെ ഭാഗമായി 1 മുതൽ 19 വയസ്സ് വരെയുള്ള കുട്ടികൾക്ക് നാളെ സ്കൂൾ, അങ്കണവാടി മുഖേന ഗുളിക ലഭ്യമാക്കുമെന്ന് മെഡിക്കൽ ഓഫീസർ അറിയിച്ചു. നാളെ ഗുളിക ലഭിക്കാത്തവർക്ക് ഫെബ്രുവരി 15 ന് ഗുളിക വിതരണം ചെയ്യും. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ടി.എം.സതീശൻ, എം.പ്രിയാ ദേവി, വി.പി.ഗീത എന്നിവർ സംസാരിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |