കോഴിക്കോട്: ലോക കാൻസർ ദിനത്തോടനുബന്ധിച്ച് വിമൻസ് ഡെന്റൽ കൗൺസിൽ, ഇന്ത്യൻ ഡെന്റൽ അസോസിയേഷൻ മലബാർ ചാപ്റ്റർ, സ്റ്റാർകെയർ ഹോസ്പിറ്റൽ എന്നിവ സംയുക്തമായി വനിതാ കാൻസർ ബോധവത്കരണ ക്യാമ്പ് നടത്തി. സ്റ്റാർകെയർ ഹോസ്പിറ്റൽ എം.ഡിയും ചെയർമാനുമായ ഡോ. അബ്ദുള്ള ചെറിയക്കാട്ട് ക്യാമ്പ് ഉദ്ഘാടനം ചെയ്തു. ഹോസ്പിറ്റൽ സി.ഇ.ഒ സത്യ, ഡോ. രാധിക മനോജ്, സീനിയർ കൺസൽട്ടന്റ് ഗൈനക്കോളജിസ്റ്റും ബ്രസ്റ്റ്കാൻസർ സർജനുമായ ഡോ. ഹഫ്സ തുടങ്ങിയവർ പ്രസംഗിച്ചു. ക്യാമ്പിൽ പാപ്സ്മിയർ, ബ്രസ്റ്റ് സ്ക്രീനിംഗും മറ്റു രക്തപരിശോധനകളും നടത്തി. വനിതാ ദന്തവിദഗ്ദ്ധരുടെയും വനിതകളുടെയും ഉന്നമനം ലക്ഷ്യമിട്ട് പ്രവർത്തിക്കുന്ന സംഘടനയാണ് വിമൻസ് ഡന്റൽ കൗൺസിൽ.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |