തൃശൂർ: കേരള പ്രദേശ് ടീച്ചേഴ്സ് അസോസിയേഷൻ ജില്ലാ സമ്മേളനം ഇന്നും നാളെയും ഹോളി ഫാമിലി കോൺവെന്റ് ഗേൾസ് ഹൈസ്കൂളിൽ നടത്തും. ഇന്ന് വൈകീട്ട് നാലിന് പതാക ഉയർത്തൽ. തുടർന്ന് ബൈക്ക് റാലി. വൈകീട്ട് ജില്ലാ കൗൺസിൽ. നാളെ രാവിലെ 9.30ന് ടി.എൻ.പ്രതാപൻ എം.പി സമ്മേളനം ഉദ്ഘാടനം ചെയ്യും. ജില്ലാ പ്രസിഡന്റ് എൻ.ആർ.അജിത്പ്രസാദ് അദ്ധ്യക്ഷത വഹിക്കും. സംസ്ഥാന പ്രസിഡന്റ് കെ.അബ്ദുൾ മജീദ് മുഖ്യപ്രഭാഷണം നടത്തും. ഡി.സി.സി പ്രസിഡന്റ് ജോസ് വള്ളൂർ മുഖ്യാതിഥിയാകും. ഉച്ചയ്ക്ക് 12ന് പ്രതിനിധി സമ്മേളനം യു.ഡി.എഫ് ചെയർമാൻ എം.പി.വിൻസന്റ് ഉദ്ഘാടനം ചെയ്യും. മൂന്നിന് സമാപന സമ്മേളനം അസോസിയേഷൻ സംസ്ഥാന ട്രഷറർ വട്ടപ്പാറ അനിൽകുമാർ ഉദ്ഘാടനം ചെയ്യും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |