ഏഷ്യൻ കപ്പ് ഫൈനലിൽ ഇന്ന്: ഖത്തർ - ജോർദാൻ
ദോഹ: ലോകത്തെ ഏറ്റവും വലിയ വൻകരയായ ഏഷ്യയിൽ പുതിയ ഫുട്ബാൾ രാജക്കാൻ ആരെന്ന് ഇന്ന് രാത്രി അറിയാം. മെസിയുടെ അർജന്റീന ലോകകപ്പുയർത്തിയ ദോഹയിലെ ലുസെയ്ൽ സ്റ്റേഡിയം വേദിയാകുന്ന ഏഷ്യൻ കപ്പ് ഫൈനലിൽ ആതിഥേയരായ ഖത്തറും കരുത്തരായ ജോർദാനുമാണ് കിരീടത്തിനായി കലാശപ്പോരിൽ ഏറ്റുമുട്ടുന്നത്.ഇന്ത്യൻ സമയം രാത്രി 8.30 മുതലാണ് മത്സരം.
സെമിയിൽ വമ്പൻ ശക്തികളായ ഇറാനെ വാശിയേറിയ പോരാട്ടത്തിനൊടുവിൽ 3- 2 ന് കീഴടക്കിയാണ് ഖത്തർ ഫൈനലിന് യോഗ്യത നേടിയത്. ജോർദാൻ സെമിയിൽ സൂപ്പർ താരം സൺ ഹ്യൂഗ് മിന്നിന്റെ ദക്ഷിണ കൊറിയയെ കീഴടക്കി മറുപടിയില്ലാത്ത രണ്ട് ഗോളുകൾക്ക് തരിപ്പണമാക്കിയാണ് ഫൈനലിലെത്തിയത്.
ഏഷ്യൻ കപ്പിൽ ഇതുരെ തോൽവി അറിയാതെയാണ് ഖത്തറിന്റെ പടയോട്ടം. നാല് ജയവും ഒന്ന് വീതം തോൽവിയും സമനിലയുമാണ് ജോർദാന്റെ റെക്കാഡ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |