ലോകേഷ് കനകരാജും രജനികാന്തും ആദ്യമായി ഒന്നിക്കുന്ന ചിത്രം എന്ന നിലയിൽ തലൈവർ 171 ആരാധക ലോകത്ത് ഏറെ ശ്രദ്ധ നേടിയിരുന്നു. ലോകേഷിന്റെ കഥ രജനികാന്തിന് ഇഷ്ടപ്പെതിനെ തുടർന്നായിരുന്നു പ്രഖ്യാപനം. എന്നാൽ രജനികാന്തിനെ സ്വാധീനിക്കാൻ തിരക്കഥയ്ക്ക് കഴിഞ്ഞില്ല എന്നാണ് റിപ്പോർട്ട്. 2016 ൽ എഴുതിയ കഥയാണെന്നും ചിത്രത്തിന്റെ തിരക്കഥ പൂർത്തിയാക്കിയെന്നും ലോകേഷ് അടുത്തിടെ വ്യക്തമായിയിരുന്നു. തിരക്കഥയിൽ മാറ്റം വരുത്താൻ ഒരുങ്ങുകയാണ് ലോകേഷ് കനകരാജ്.
ആക്ഷൻ ഡ്രാമ ആയാണ് ചിത്രം ഒരുങ്ങുന്നത്. വിക്രം 2, കൈതി 2,പ്രഭാസ് ചിത്രം എന്നിവ ലോകേഷിന്റെതായി അണിയറയിൽ ഒരുങ്ങുന്നുണ്ട്.അതേസമയം വേട്ടയ്യൻ ആണ് രജനികാന്തിന്റെ പുതിയ ചിത്രം, അമിതാഭ് ബച്ചൻ, ഫഹദ് ഫാസിൽ, റാണ ദഗുബട്ടി, മഞ്ജു വാര്യർ ഉൾപ്പടെ വൻ താരനിരയാണ് അണിനിരക്കുന്നത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |