ടെൽ അവീവ്: തെക്കൻ ഗാസയിലെ ഖാൻ യൂനിസിലുള്ള നാസർ ആശുപത്രിയിൽ ഇസ്രയേൽ നടത്തിയ റെയ്ഡിനിടെ നാല് രോഗികൾ ഓക്സിജൻ കിട്ടാതെ മരിച്ചന്ന് ഹമാസ്. ആശുപത്രിയിൽ വൈദ്യുതി നിലച്ചു. ജനറേറ്ററുകൾ നിശ്ചലമായി. തീവ്രപരിചരണ വിഭാഗത്തിൽ കഴിയുന്ന ആറ് രോഗികളുടെ നില ഗുരുതരമാണെന്നും ഹമാസ് ആരോപിച്ചു.
അതേ സമയം, ഒക്ടോബർ 7ന് രാജ്യത്തുണ്ടായ ഹമാസ് ഭീകരാക്രമണവുമായി ബന്ധമുണ്ടെന്ന് കരുതുന്ന 20 പേരെ ആശുപത്രിയിൽ നിന്ന് കസ്റ്റഡിയിലെടുത്തെന്ന് ഇസ്രയേൽ സൈന്യം അറിയിച്ചു. ആശുപത്രിക്കുള്ളിൽ ഹമാസ് ബന്ധമുള്ള നിരവധി പേർ ഒളിവിൽ കഴിഞ്ഞെന്നും ആയുധ ശേഖരം കണ്ടെത്തിയെന്നും സൈന്യം കൂട്ടിച്ചേർത്തു. ആശുപത്രിയിൽ തെരച്ചിൽ തുടരുകയാണ്.
അതിനിടെ, സാധാരണക്കാരുടെ സുരക്ഷ ഉറപ്പാക്കാതെ തെക്കൻ ഗാസയിലെ റാഫയിലേക്ക് കരയാക്രമണം നടത്തരുതെന്ന് യു.എസ് പ്രസിഡന്റ് ജോ ബൈഡൻ ഫോൺ സംഭാഷണത്തിനിടെ ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിന് മുന്നറിയിപ്പ് നൽകി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |