കാട്ടാക്കട: നെയ്യാർഡാം നെട്ടുകാൽത്തേരി തുറന്നജയിൽ പരിസരത്തെ റബ്ബർ തോട്ടങ്ങളിൽ കാട്ടുപോത്തുകൾ കൂട്ടമായി ഇറങ്ങുന്നത് പ്രദേശവാസികളെ ഭീതിയിലാക്കുന്നു.വെളളിയാഴ്ച ഉച്ചയോടെയാണ് കാട്ടുപോത്തുകളെ കൂട്ടമായി കണ്ടു തുടങ്ങിയത്.നെയ്യാർ വനമേഖലകളിൽ നിന്നുമാണ് കാട്ടുപോത്തുകൾ ഇവിടേക്കെത്തുന്നത്.ആഹാരവും വെള്ളവും യഥേഷ്ടം ലഭിക്കുന്നതിനാലും നെയ്യാർ ജലസംഭരണി അടുത്തുള്ളതിനാലുമാണ് പോത്തുകളിവിടേയ്ക്ക് എത്തുന്നതെന്നാണ് വിവരം.കാട്ടുപോത്തുകൾ താമസസ്ഥലങ്ങളിലോ കൃഷിയിടങ്ങളിലോ എത്തുമോയെന്ന ആശങ്കയിലാണ് പ്രദേശവാസികൾ.വനംവകുപ്പ് അടിയന്തരമായി ഇടപെടണമെന്നാണ് നാട്ടുകാരുടെ ആവശ്യം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |