കോന്നി: നെറ്റിപ്പട്ടം കെട്ടിയ ഗജവീരന്മാരും പാണ്ടിമേളവും കുടമാറ്റവും കാഴ്ച്ചയുടെ വർണവിസ്മയം തീർത്തപ്പോൾ മലയാലപ്പുഴയിൽ പൂരംപെയ്തിറങ്ങി. ഗജവീരന്മാരിൽ തൃക്കടവൂർ ശിവരാജുവിന് ദേവിയുടെ തിടമ്പ് ഏറ്റാനുള്ള ഭാഗ്യം ലഭിച്ചു, വെളിനല്ലൂർ മണികണ്ഠൻ, മധുരപ്പുറം കണ്ണൻ, തടത്താവിള രാജശേഖരൻ, ശക്തികുളങ്ങര രാജശേഖരൻ എന്നീ ഗജവീരന്മാരും കിഴക്കേനടയിലെ മൈതാനത്ത് അണിനിരന്നു. കെ.യു.ജനീഷ്കുമാർ എം.എൽ.എ പൂരം ഉദ്ഘാടനം ചെയ്തു. ദേവസ്വം അഡ്മിനിസ്ട്രേറ്റീവ് ഓഫീസർ ജെ.ഉണ്ണികൃഷ്ണൻ നായർ, ക്ഷേത്ര ഉപദേശക സമിതി പ്രസിഡന്റ് ദിലീപ്കുമാർ പൊതിപ്പാട്, സെക്രട്ടറി മോഹൻ കുറിഞ്ഞിപ്പുഴ, താഴം കര ഭാരവാഹികളായ മനു മോഹൻ, ടി.ജി.ഉത്തമൻ, രാജേഷ് മോളുത്തറ എന്നിവർ പങ്കെടുത്തു. മട്ടന്നൂർ ശങ്കരൻകുട്ടി മാരാരും സംഘവും അവതരിപ്പിച്ച പാണ്ടിമേളവും തൃശൂർ പാറമേക്കാവ് പൂരസമിതിയുടെ കുടമാറ്റവും കൊഴുപ്പേകി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |