അഞ്ചൽ: നിയന്ത്രണംവിട്ട കാർ ഇടിച്ച് റോഡ് നിർമ്മാണ പ്രവർത്തനങ്ങളിലേർപ്പെട്ടിരുന്ന ഇതര സംസ്ഥാനത്തൊഴിലാളികളടക്കം ഏഴ് പേർക്ക് പരിക്ക്. പരിക്കേറ്റവരെ നാട്ടുകാർ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ വൈകിട്ട് നാലരയോടെ തടിക്കാട് ചന്തമുക്കിന് സമീപമാണ് അപകടമുണ്ടായത്.
പശ്ചിമ ബംഗാൾ സ്വദേശിളായ ദീപാങ്കർ റോയി (26), ബിബിൻ കുമാർ (21) എന്നിവർ ഉൾപ്പെടെ മറ്റ് രണ്ട് തൊഴിലാളികളും കാറിലുണ്ടായിരുന്ന ചണ്ണപ്പേട്ട സ്വദേശികളായ ഗോപാലകൃഷ്ണൻ (60) വിജയകുമാരി (54 ) ഡ്രൈവർ നന്ദു (21)എന്നിവർക്കാണ് പരിക്കേറ്റത്.ഗുരുതരമായി പരിക്കേ ദീപാങ്കർ റോയി , ബിബിൻ കുമാർ എന്നിവരെ വിദഗ്ദ്ധ ചികിത്സയ്ക്കായി തിരുവനന്തപുരം മെഡിക്കൽ കോളേജാശുപത്രിയിൽ പ്രവേശിപ്പിച്ചു.
റോഡിന്റെ കോൺക്രീറ്റ് പണികൾക്കായി കൂട്ടിയിട്ടിരുന്ന പാറപ്പൊടി ചുമന്ന് മാറ്റുന്ന ജോലിയെടുത്തു കൊണ്ടിരുന്ന തൊഴിലാളികൾക്കിടയിലേക്കാണ് പൊടിയാട്ടുവിള ഭാഗത്തു നിന്നും വന്ന കാർ നിയന്ത്രണ വിട്ട് പാഞ്ഞുകയറിയത്.
കൊട്ടാരക്കരയിലെ ആശുപത്രിയിൽ നിന്ന് ചികിത്സകഴിഞ്ഞു മടങ്ങിയവരാണ് കാർ യാത്രികർ. അഞ്ചൽ പൊലീസെത്തി മേൽ നടപടി സ്വീകരിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |