വൈക്കം : മൂത്തേടത്തുകാവ് ഭഗവതി ക്ഷേത്രത്തിൽ 14 ദിവസം നീളുന്ന ലക്ഷാർച്ചന തുടങ്ങി. തന്ത്രി മോനാട്ടില്ലത്ത് കൃഷ്ണൻ നമ്പൂതിരിയുടേയും, മോനാട്ടില്ലത്ത് ചെറിയ കൃഷ്ണൻ നമ്പൂതിരിയുടേയും, മേൽശാന്തി എ.വി.ഗോവിന്ദൻ നമ്പൂതിരിയുടേയും, ക്ഷേത്രം മുഖ്യകാര്യദർശി എ.ജി വാസുദേവൻ നമ്പൂതിരിയുടേയും മുഖ്യകാർമ്മികത്വത്തിൽ 15 ഓളം വേദപണ്ഡിതന്മാർ ചേർന്നാണ് ദേവീപ്രീതിയ്ക്കായി അർച്ചന നടത്തുന്നത്. വെള്ളിയാഴ്ച വൈകിട്ട് യജ്ഞവേദിയിൽ കലശപൂജയും ബ്രഹ്മകലശം എഴുന്നള്ളിപ്പും നടന്നു. ക്ഷേത്രം ഊരാഴ്മക്കാരായ ഇണ്ടംതുരുത്തി നീലകണ്ഠൻ നമ്പൂതിരി, വി.മുരളീധരൻ നമ്പൂതിരി, ഹരിഹരൻ നമ്പൂതിരി, മുരിഞ്ഞൂർ ഇല്ലത്ത് വിഷ്ണു നമ്പൂതിരി, ആനത്താനത്ത് ഇല്ലത്ത് ഗോവിന്ദൻ നമ്പൂതിരി, ബാലചന്ദ്രൻ നമ്പൂതിരി എന്നിവർ നേതൃത്വം നൽകി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |