അക്രമത്തിന് പിന്നിൽ സി.പി.എമ്മിന്റെ പരാജയ ഭീതി: പി. രാജേന്ദ്രപ്രസാദ്

കൊല്ലം: പരാജയഭീതി കൊണ്ടാണ് കരുനാഗപ്പള്ളിയിൽ സി.പി.എം പ്രവർത്തകർ അക്രമം അഴിച്ചുവിട്ട് സി.ആർ. മഹേഷ് എം.എൽ.എ ഉൾപ്പടെയുള്ള യു.ഡി.എഫ് നേതാക്കളെ പരിക്കേൽപ്പിച്ചതെന്ന് ഡി.സി.സി പ്രസിഡന്റ് പി. രാജേന്ദ്രപ്രസാദ് പറഞ്ഞു.

പൊലീസ് ഉദ്യോഗസ്ഥരുമായി ഉണ്ടാക്കിയ ധാരണയുടെ അടിസ്ഥാനത്തിൽ യു.ഡി.എഫിന് അനുവദിച്ച സ്ഥലത്താണ് നേതാക്കളും പ്രവർത്തകരും കലാശക്കൊട്ടിനായി നിലയുറപ്പിച്ചിരുന്നത്. എന്നാൽ ഇതിനിടയിലേക്ക് ഇടിച്ചു കയറി​ യു.ഡി.എഫ് പ്രവർത്തകരെ ആക്രമിക്കാനുമാണ് സി​.പി​.എം ശ്രമി​ച്ചത്. സംഘർഷം നിയന്ത്രിക്കുന്നതിൽ പൊലീസ് പരാജയപ്പെട്ടെന്നും രാജേന്ദ്രപ്രസാദ് പറഞ്ഞു.