കൊല്ലം: നിരവധി ക്രിമിനൽ കേസുകളിൽ ഉൾപ്പെട്ട യുവാവിനെ കാപ്പ നിയമപ്രകാരം വീണ്ടും കരുതൽ തടങ്കിലാക്കി. കൊല്ലം വടക്കേവിള വില്ലേജിൽ അയത്തിൽ നഗർ 193 ൽ താഴത്തെവിള വയലിൽ വീട്ടിൽ പ്രസീദിനെയാണ് (28) അറസ്റ്റ് ചെയ്തത്.
2019 മുതൽ ഇതുവരെ കൊല്ലം സിറ്റി പരിധിയിലെ ഇരവിപുരം, കൊല്ലം ഈസ്റ്റ്, കൊല്ലം വെസ്റ്റ്, കിളികൊല്ലൂർ, കൊട്ടിയം പൊലീസ് സ്റ്റേഷനുകളിലായി രജിസ്റ്റർ ചെയ്തിട്ടുള്ള 11 ക്രിമിനൽ കേസുകളിലെ പ്രതിയാണ് പ്രസീദ്. മോഷണം, മാരകായുധം ഉപയോഗിച്ച് കഠിനദേഹോപദ്രവം ഏൽപ്പിക്കൽ, അക്രമണം തുടങ്ങിയ ഗുരുതര ക്രിമിനൽ കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്. ഇതിൽ ഒൻപത് കേസുകൾ മോഷണത്തിനാണ്.
മുമ്പും കാപ്പ നിയമപ്രകാരം തടവ് അനുഭവിച്ചിട്ടുണ്ട്. പുറത്തിറങ്ങിയ ശേഷവും നിരവധി കേസുകളിൽ പ്രതിയായതിനെ തുടർന്നാണ് വീണ്ടും കാപ്പ ചുമത്തിയത്. ജില്ലാ പൊലീസ് മേധാവി വിവേക് കുമാർ സമർപ്പിച്ച റിപ്പോർട്ടിന്റെ അടിസ്ഥാനത്തിൽ കളക്ടറും ജില്ലാ മജിസ്ട്രേറ്റും കൂടിയായ എൻ.ദേവിദാസാണ് കരുതൽ തടങ്കലിന് ഉത്തരവിട്ടത്.
അറസ്റ്റ് ചെയ്ത പ്രതിയെ പൂജപ്പുര സെൻട്രൽ ജയിലിലേയ്ക്ക് മാറ്റി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |