SignIn
Kerala Kaumudi Online
Wednesday, 24 July 2024 12.52 PM IST

സഹോദരങ്ങളായ മൂവർസംഘത്തിന് ഫുൾ എ പ്ലസ്; ഇരട്ട സഹോദരിമാർക്കും

photo
എ.എം. നജഫാത്തിമ, മുഹമ്മദ് നിഹാൽ, നിദ ഫാത്തിമ

പൂനൂർ: പൂനൂർ ഗവ. ഹയർ സെക്കൻഡറി സ്കൂളിൽ ഈ വർഷം പരീക്ഷയെഴുതിയ 453 പേരിൽ മൂന്നുപേർ ഒരേ പ്രസവത്തിലെ മക്കളാണ്. അവർ ഒരുമിച്ച് സ്കൂൾ ജീവിതം ആരംഭിച്ച് ഒരുമിച്ച് മുഴുവൻ വിഷയങ്ങളിലും എ പ്ലസോടെ പത്താംതരം വിജയിക്കുകയും ചെയ്തു. എ. എം നിദ ഫാത്തിമ, എ. എം നജ ഫാത്തിമ, എ എം മുഹമ്മദ് നിഹാൽ എന്നിവരാണ് ഈ മിടുക്കർ. കോഴിക്കോട് പൂനൂർ കാന്തപുരത്തെ അലങ്ങാ പൊയിൽ എ. എം അബ്ദുൽ ഹക്കീം, പി നസ് ല ദമ്പതികളുടെ മക്കളാണ്. ഇതിൽ നിദ ഫാത്തിമ താമരശ്ശേരി വിദ്യാഭ്യാസ ജില്ലാ ഗിഫ്റ്റഡ് ചിൽഡ്രൻ പദ്ധതിയിൽ അംഗം കൂടിയാണ്. യു.എസ് എസ് പരീക്ഷയിലെ ഉന്നത വിജയികൾക്കുളള സംസ്ഥാന സർക്കാരിന്റെ പ്രതിഭാ പോഷണ പരിപാടിയാണ് ഗിഫ്റ്റഡ് ചിൽഡ്രൻ പദ്ധതി.

ഇതോടൊപ്പം ഇരട്ടകളെയും മുഴുവൻ എ പ്ലസോടെ വിജയിപ്പിക്കാൻ സ്കൂളിന് സാധിച്ചു. ഒ ടി അളകനന്ദ, ഒ ടി അനഘനന്ദ എന്നിവരാണ് ഇരട്ടകളായ മിടുക്കികൾ. കോഴിക്കോട് ഉണ്ണികുളം മങ്ങാട് ഒറ്റത്തെങ്ങിൽ ഒ ടി ദിവാകരൻ, രജിന ദമ്പതികളുടെ മക്കളാണ്.

പൂനൂർ ഗവ. ഹയർ സെക്കൻഡറി സ്കൂളിൽ ഈ വർഷം 99.56 ശതമാനമാണ് വിജയം. 453ൽ 451 പേർ വിജയിച്ചു. 80 പേർക്ക് മുഴുവൻ വിഷയങ്ങളിൽ എപ്ലസും നേടാൻ കഴിഞ്ഞു. പഠന പിന്നാക്കാവസ്ഥ നിലനിൽക്കുന്ന പ്രദേശങ്ങളിലെ വിദ്യാർത്ഥികളാണ് ഈ സ്കൂളിൽ അഡ്മിഷൻ തേടിയെത്തുന്നത്. സ്കൂൾ നൽകുന്ന മികച്ച രീതിയിലുള്ള പിന്തുണയും സംവിധാനങ്ങളും കോഴിക്കോട് ജില്ലാ പഞ്ചായത്തിന്റെ എഡ്യുകെയർ പദ്ധതിയുടെ പിൻബലവും സ്കൂളിന്റെ വിജയത്തിൽ വലിയ സ്വാധീനം ചെലുത്തുന്നുണ്ട്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, KOZHIKODE
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.