SignIn
Kerala Kaumudi Online
Monday, 26 August 2019 11.20 AM IST

സുരേഷ് ഗോപിയെ അധിക്ഷേപിക്കുമല്ലേ? കമന്റ് കണ്ടപ്പോൾ ചിരിയാണ് വന്നത്: അനുപമ പരമേശ്വരൻ

anupama-suresh-gopi

പതിനേഴാം ലോക്‌സഭാ തിരഞ്ഞെടുപ്പിന്റെ സമയത്ത് തൃശൂർ മണ്ഡലത്തിലെ എൻ.ഡി.എ സ്ഥാനാർത്ഥി സുരേഷ് ഗോപിക്കെതിരെ കളക്ടർ ടി.വി അനുപമ നോട്ടീസയച്ച സംഭവം മലയാളികൾ മറന്നുകാണില്ല. പ്രിയനേതാവിനെതിരെയുള്ള കളക്ടറുടെ നിലപാടിനെതിരെ ധാരാളം ആളുകൾ രംഗത്തെത്തിയിരുന്നു. പലരും അനുപമ ഐ.എ.എസിനെ ഫേസ്ബുക്കിലൂടെ ചീത്ത വിളിച്ചു. എന്നാൽ ചിലർക്ക് ഒരു അബദ്ധം പറ്റി. അനുപമ ഐഎഎസിന് പകരം ചലച്ചിത്രതാരം അനുപമ പരമേശ്വരന്റെ ഫേസ്ബുക്ക് പേജിലാണ് പൊങ്കാലയിട്ടത്. ഇപ്പോഴിതാ സംഭവവുമായി ബന്ധപ്പെട്ട് പ്രതികരണവുമായി രംഗത്തെത്തിയിരിക്കുകയാണ് നടി അനുപമ.

'സുരേഷ് ഗോപിയെ അധിക്ഷേപിക്കുമല്ലേയെന്ന് ചോദിച്ച് ധാരാളം കമന്റുകൾ വന്നു. പേജ് കൈകാര്യം ചെയ്യുന്ന മാനേജരാണ് എന്നെ വിളിച്ച് കാര്യം പറഞ്ഞത്. തൃശൂർ കളക്ടറുടെയും എന്റെയും പേരിലെ സമാനതയാണ് കാരണമെന്നോർത്തപ്പോൾ ചിരിവന്നു. അനിയൻ കമന്റുകളൊക്കെ വായിച്ചു തന്നു. തമാശയായി മാത്രമേ ആ സംഭവത്തെ കണ്ടിട്ടുള്ളു.

ചിലർക്ക് അബദ്ധം പറ്റി. മറ്റുചിലർ ബോധപൂർവം പാർട്ടിക്കാരെ കളിയാക്കാൻ കമന്റിട്ടു. ഞാനുമായി ബന്ധമില്ലാത്ത കാര്യമായതുകൊണ്ട് പ്രതികരിച്ചില്ല. മുമ്പ് അനുപമ കളക്ടറായി ചുമതലയേറ്റെടുത്തപ്പോൾ ആളുമാറി ചിലർ എന്നെ അഭിനന്ദിച്ചിരുന്നു.'- താരം ഒരു പ്രമുഖ മാദ്ധ്യമത്തോട് പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: TV ANUPAMA IAS, ACTRESS ANUPAMA PARAMESWARAN, SURESH GOPI, FACEBOOK POST, LOKSABHA ELECTION
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.