SignIn
Kerala Kaumudi Online
Sunday, 20 October 2019 7.13 PM IST

പാക് പ്രധാനമന്ത്രിക്ക് അമേരിക്കയിൽ ഔദ്യോഗിക സ്വീകരണമില്ല, അവഗണിച്ചെന്ന് വിമർശനം

imran-khan

വാഷിംഗ്ടൺ: പ്രധാനമന്ത്രിയായ ശേഷം ആദ്യമായി അമേരിക്കൻ സന്ദർശനത്തിനെത്തിയ ഇമ്രാൻഖാന് തണുപ്പൻ സ്വീകരണം, ഇമ്രാൻഖാനെ സ്വീകരിക്കാൻ പ്രസിഡന്റ് ഡൊണാൾഡ് ട്രംപിന്റെ സെക്രട്ടറിതല സംഘത്തിലെയോ അമേരിക്കയിലെ ഉന്നത നേതൃത്വത്തിലെയോ ആരും എത്തിയിരുന്നില്ലെന്ന് മാദ്ധ്യമങ്ങൾ റിപ്പോർട്ട് ചെയ്യുന്നു. പ്രോട്ടോകോൾ പ്രകാരം ഒരു ഉയർന്ന അമേരിക്കൻ ഉദ്യോഗസ്ഥൻ മാത്രമാണ് ഡാലസ് അന്താരാഷ്ട്ര വിമാനത്താവളത്തിൽ എത്തിയത്. വിദേശ രാജ്യങ്ങളുടെ ഭരണത്തലവന്മാർ വരുമ്പോൾ ആതിഥേയ രാജ്യത്തെ സർക്കാർ പ്രതിനിധി സ്വീകരിക്കാൻ വിമാനത്താവളത്തിൽ എത്തുന്നതാണ് പതിവ്.

പാക് വിദേശകാര്യമന്ത്രി ഷാ മെഹ്മൂദ് ഖുറേഷി, അമേരിക്കയിലെ പാകിസ്താൻ സ്ഥാനപതി ആസാദ് എം. ഖാന്‍ എന്നിവർ വിമാനത്താവളത്തിൽ എത്തിയിരുന്നു. കൂടാതെ അമേരിക്കയിലെ പാക് വംശജരായ നിരവധിപേരും വിമാനത്താവളത്തിന് പുറത്തെത്തിയിരുന്നു. ചാർട്ടേഡ് വിമാനം വിമാനം ഒഴിവാക്കി പകരം ഖത്തർ എയർവേസിന്റെ വിമാനത്തിലായിരുന്നു ഇമ്രാൻഖാന്റെ യാത്ര. ചെലവ് ചുരുക്കുന്നതിന്റെ ഭാഗമായി അമേരിക്കയിലെ പാക് സ്ഥാനപതിയുടെ ഔദ്യോഗിക വസതിയിലാകും ഇമ്രാൻഖാന്റെ താമസം.

ഇമ്രാൻഖാനെ സ്വീകരിക്കാൻ അമേരിക്കൻ അധികൃതർ എത്താതിരുന്നതിനെക്കുറിച്ച് ഓൺലൈനിൽ ട്രോളുകൾ നിറയുകയാണ്.. 2012ലാണ് ഇതിനുമുമ്പ് ഇമ്രാൻ ഖാൻ അമേരിക്കയിലെത്തിയത്. അന്ന് ടൊറൊന്റോ വിമാനത്തവളത്തിൽ അമേരിക്കൻ അധികൃതർ തടഞ്ഞുവെച്ചത് വലിയ വാർത്തയായിരുന്നു.


മൂന്ന് ദിവസത്തെ സന്ദർശനത്തിനാണ് പാക് പ്രധാനമന്ത്രി അമേരിക്കയിലെത്തിയത്. സന്ദർശനത്തിൽ പ്രസിഡന്റ് ഡൊണാൾഡ് ട്രംപുമായി കൂടിക്കാഴ്ച തീരുമാനിച്ചിട്ടുണ്ട്. പാക് സൈനിക മേധാവി ജനറൽ ഖമർ ജാവേദ് ബജ്‌വ, ഐ.എസ്.ഐ മേധാവി ഫൈസ് ഹമീദ്, പാക് പ്രധാനമന്ത്രിയുടെ വാണിജ്യ ഉപദേഷ്ടാവ് അബ്ദുൾ റസ്സാക് ദാവൂദ് എന്നിവരാണ് ഇമ്രാൻ ഖാനൊപ്പമുള്ളത്.



JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, PAKISTAN, PAK PM IMRAN KHAN, IMRAN KHAN US VISIT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.