SignIn
Kerala Kaumudi Online
Saturday, 13 July 2024 5.15 AM IST

35റോഡുകൾ കൂടി നവീകരിക്കും, ഇനി 'പണി' കെ.ആർ.എഫ്.ബി വക

1

തിരുവനന്തപുരം: സ്‌മാർട്ട് സിറ്റിയുടെ ഭാഗമായുള്ള റോഡ് നവീകരണം തുടരുന്നതിനിടെ സിറ്റി റോഡ് ഇംപ്രൂവ്മെന്റ് പ്രോജക്ടിന്റെ (സി.ആർ.ഐ.പി) ​ഭാഗമായി നഗരത്തിലെ 35 റോഡുകൾ കൂടി നവീകരിക്കും. കേരള റോ‌ഡ് ഫണ്ട് ബോർഡിന്റെ (കെ.ആർ.എഫ്.ബി) നേതൃത്വത്തിലാണിത്.ആദ്യഘട്ടത്തിൽ 42.06 കിലോമീറ്റർ റോഡുകളാണ് നവീകരിച്ചത്.അറ്റകുറ്റപ്പണി ചെയ്യാനായി കണ്ടെത്തിയിരിക്കുന്ന റോഡുകളെല്ലാം പൂർണമായും തകർന്ന അവസ്ഥയിലാണ്.പൊതുമരാമത്ത് വകുപ്പിന്റെയും കെ.ആർ.എഫ്.ബിയുടെയും എൻജിനിയർമാർ ചേർന്നാണ് നവീകരിക്കേണ്ട റോഡുകൾ കണ്ടെത്തിയത്.

 വീതി കൂട്ടും, ഓടകളും നിർമ്മിക്കും

നവീകരണത്തിൽ റോഡ് വീതി കൂട്ടുന്നതും ഓടകൾ നിർമ്മിക്കുന്നതുമടക്കമുള്ളവ ഉൾപ്പെടുത്തിയിട്ടുണ്ട്. മണക്കാട് - ആറ്റുകാൽ റോഡ് 10 മീറ്റർ വീതിയിൽ നവീകരിക്കും.നടപ്പാതയും ഓടയും നിർമ്മിക്കും. അമ്പലമുക്ക് - പരുത്തിപ്പാറ റോഡ് 14 മീറ്ററിലാണ് നവീകരിക്കുക. ഡി.പി.ഐ - വഴുതക്കാട് വിമെൻസ് കോളേജ്)​ റോഡ് 8 മീറ്ററിലും വഴുതക്കാട് - ജഗതി റോ‌ഡ് 14 മീറ്ററിലുമാണ് നവീകരിക്കുക. ജവഹർനഗർ റോഡും പി.എം.ജി - നന്തൻകോട് - വൈ.എം.ആർ - കുറവൻകോണം റോഡും 12 മീറ്ററിൽ വീതമാണ് നവീകരിക്കുക.റോഡ് നിർമ്മിച്ചുകഴിഞ്ഞ ശേഷം ജല അതോറിട്ടിയുടെ പൈപ്പ് ലൈനുകളും മറ്റ് കേബിളുകളും അറ്റകുറ്റപ്പണി ചെയ്യുന്നതിനായി റോ‌ഡ് വെട്ടിപ്പൊളിക്കുന്നത് ഒഴിവാക്കാൻ യൂട്ടിലിറ്റി കോറിഡോർ സ്ഥാപിക്കും.

 നവീകരിക്കുന്ന പ്രധാന റോഡുകൾ ( ബ്രായ്ക്കറ്റിൽ ദൂരം കിലോമീറ്ററിൽ)​

  1. അമ്പലമുക്ക് - പരുത്തിപ്പാറ (2.21)​
  2. മണക്കാട് -ആറ്റുകാൽ -കാലടി (2.30)​
  3. ഡി.പി.ഐ - വഴുതക്കാട് വിമെൻസ് കോളേജ് (0.64)​
  4. വഴുതക്കാട് - ജഗതി (0.90)​
  5. ജവഹർ നഗർ (2.90)​
  6. പി.എം.ജി - നന്തൻകോട്- വൈ.എം.ആർ -കുറവൻകോണം (2)​
  7. പേരൂർക്കട - മണ്ണന്തല (5.70)​
  8. വഴയില - പള്ളിമുക്ക് -മുക്കോല (3.50)​
  9. മരുതൂർ -വയലിക്കട -പറമ്പുക്കോണം (6.70)​
  10. പള്ളിമുക്ക് - മെഡിക്കൽ കോളേജ് (4.50)​
  11. ആക്കുളം -ശ്രീകാര്യം (3.50)​
  12. ഉള്ളൂർ - ആക്കുളം (4.90)​
  13. ഓൾ സെയിന്റ്സ് - വേളി- കൊച്ചുവേളി റെയിൽവേ സ്റ്റേഷൻ (4)​
  14. പൊട്ടക്കുഴി - ഗൗരീശപട്ടം - പാറ്റൂർ - കണ്ണമ്മൂല (3)​
  15. ശ്രീകാര്യം - പോത്തൻകോട് (9.6)​
  16. ശ്രീകാര്യം - കാട്ടായിക്കോണം (7.40)​
  17. ചാവടിമുക്ക് - സി.ഇ.ടി ബൈപാസ് - സ്റ്രേഷൻ കടവ് (4.8)​
  18. ഐരാണിമുട്ടം - കിള്ളിപ്പാലം (2.25)​
  19. പൂജപ്പുര - മുടവൻമുഗൾ - പുന്നയ്ക്കാമുഗൾ (3.4)​
  20. കേശവദാസപുരം - മണ്ണന്തല (4)​

 എം.ജി.രാധാകൃഷ്ണൻ റോഡ് ടാറിംഗ് ബുധനാഴ്ച
സ്മാർട്ട് സിറ്റിയുടെ ഭാഗമായി നവീകരിക്കുന്ന മോഡൽ സ്കൂൾ ജംഗ്ഷൻ മുതൽ ശാസ്താക്ഷേത്രം വരെയുള്ള എം.ജി.രാധാകൃഷ്ണൻ റോഡിന്റെ ടാറിംഗ് ബുധനാഴ്ച നടക്കും. ഈ റോഡിൽ മെറ്റൽ വിരിച്ചു.ആദ്യ​ഘട്ട ടാറിംഗിന് ശേഷം വ്യാഴാഴ്ചയോടെ റോഡ് ഗതാഗതത്തിനായി തുറന്നു നൽകുമെന്ന് സ്‌മാർട്ട് സിറ്റി അധികൃതർ പറഞ്ഞു. രണ്ടാഘട്ട ടാറിംഗ് പിന്നീടായിരിക്കും.പദ്ധതിയിൽ ശേഷിച്ച ആറ് റോഡുകളുടെ പണി പൂർത്തിയാക്കാൻ സർക്കാർ ഇന്നലെ വരെയാണ് സമയം അനുവദിച്ചിരുന്നത്.

ജനറൽ ആശുപത്രി - വഞ്ചിയൂർ റോഡും അടുത്ത ആഴ്ചയോടെ ടാർ ചെയ്യും.ആശുപത്രി മുതൽ മുക്കട വരെ ടാർ ചെയ്തിരുന്നു. ബാക്കി ഭാഗത്ത് മെറ്റൽ വിരിച്ചു.ഈ രണ്ട് റോഡുകളും 20നകം തുറന്നുനൽകാനാണ് തീരുമാനം.ഓവർബ്രിഡ്ജ് - ഉപ്പിടാംമൂട് പാലം,​ ബേക്കറി - ഫോറസ്റ്റ് ഓഫീസ് റോഡുകൾ ഈ മാസം അവസാനം മാത്രമേ ഗതാഗതയോഗ്യമാകൂ. ഓട നിർമ്മാണമുൾപ്പെടെ പൂർത്തിയാകാനുണ്ട്. ബേക്കറി - ഫോറസ്റ്റ് ഓഫീസ് റോഡ് ഗതാഗതം പൂർണമായി നിലച്ച അവസ്ഥയിലാണ്. മാൻഹോളുകളുടെയും കൾവെർട്ടുകളുടെയും പണി നടന്നുവരികയാണ്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, THIRUVANANTHAPURAM
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.