പ്രകൃതി ദുരന്തം ഉണ്ടാകുന്നതിന് മുമ്പ് നിങ്ങളുടെ ഫോൺ മുന്നറിയിപ്പ് നൽകും; സെറ്റിംഗ്‌സിൽ ഒരു ചെറിയ മാറ്റം വരുത്തിയാൽ മതി

അപ്രതീക്ഷിതമായാണ് കേരളത്തെ തേടി പല പ്രകൃതി ദുരന്തങ്ങളും എത്തിയത്. പ്രളയം, ഉരുൾപൊട്ടൽ എന്നിവ ഉണ്ടാകാൻ പോകുന്നതിന്റെ എന്തെങ്കിലുമൊരു സൂചന ലഭിച്ചിരുന്നെങ്കിൽ നൂറുകണക്കിന് ജീവനുകൾ ഇന്നും നമുക്കൊപ്പം ഉണ്ടായേനെ. ഭൂകമ്പങ്ങൾ സംബന്ധിച്ച് കൃത്യ സമയത്ത് അറിയിപ്പ് ലഭിച്ചാൽ മുൻകരുതൽ എടുക്കാൻ എളുപ്പമാണ്. സുരക്ഷിതമായ സ്ഥലത്തേക്ക് മാറാനും ഒപ്പമുള്ളവരെ രക്ഷിക്കാനും സാധിക്കും. ഇതിന് പുറത്തുനിന്ന് ആരുടെയും സഹായം ആവശ്യമില്ല. നിങ്ങളുടെ കയ്യിലുള്ള സ്‌മാർട്ട് ഫോൺ മതി.

ഭൂകമ്പം ഉണ്ടാകുന്നതിന് മുമ്പ് മുന്നറിയിപ്പ് നൽകുന്ന ഒരു സുരക്ഷാ ഫീച്ചർ ഗൂഗിൾ ഇന്ത്യയിൽ അവതരിപ്പിച്ചിട്ടുണ്ട്. നിങ്ങളുടെ ഫോണുകളിൽ ഈ ഫീച്ചർ എങ്ങനെയാണ് ഓൺ ചെയ്യേണ്ടത് എന്ന് നോക്കാം.

ആൻഡ്രോയിഡ് ഫോണുകളിൽ

1. ഫോണിന്റെ സെറ്റിംഗ്‌സ് എടുക്കുക.
2. അതിൽ സേഫ്റ്റി ആൻഡ് എമർജൻസി എന്ന ഓപ്‌ഷ്ൻ ക്ലിക് ചെയ്യുക.
3. ശേഷം എർത്ത്‌ക്വേക്ക് അലർട്ട്‌സ് എന്ന ഓപ്‌ഷൻ ഓൺ ആക്കുക.

നിങ്ങളുടെ ഫോണിൽ സേഫ്റ്റി ആൻഡ് എമർജൻസി എന്ന ഓപ്‌ഷ്ൻ കണ്ടില്ല എങ്കിൽ പകരം ഈ മാർഗം നോക്കുക.

1. ഫോണിന്റെ സെറ്റിംഗ്‌സ് എടുക്കുക.
2. അതിൽ ലൊക്കേഷൻ ഓൺ ചെയ്യുക.
3. ശേഷം എർത്ത്‌ക്വേക്ക് അലർട്ട്‌സ് എന്ന ഓപ്‌ഷൻ വരും അത് ഓൺ ആക്കുക.

ഗൂഗിൾ പ്ലേ സ്റ്റോർ ഉള്ള എല്ലാ ഫോണുകളിലും ഈ ഓപ്‌ഷൻ ഉണ്ടായിരിക്കും. ചെറിയ ചില മാറ്റങ്ങൾ വരാൻ സാദ്ധ്യതയുണ്ട്.

ഐ ഫോണിൽ ചെയ്യേണ്ടത്

1. ഫോണിലെ സെറ്റിംഗ്‌സ് ഓപ്‌ഷൻ എടുക്കുക.
2. അതിൽ നോട്ടിഫിക്കേഷൻസ് എടുക്കണം.
3. സ്‌ക്രോൾ ചെയ്യുമ്പോൾ താഴെ എമർജൻസി അലർട്ട്‌സ് എന്ന ഓപ്‌ഷൻ കാണാം. അത് ഓൺ ചെയ്യുക.

ശ്രദ്ധിക്കുക

ഫോണിന്റെ നെറ്റും ലൊക്കേഷനും ഓൺ ചെയ്‌തിരുന്നാൽ മാത്രമേ ഈ മുന്നറിയിപ്പ് ആൻഡ്രോയിഡ് ഫോണിലും ഐഫോണിലും ലഭിക്കുകയുള്ളു എന്ന കാര്യം പ്രത്യേകം ഓർക്കുക.