തിരുവനന്തപുരം: സ്വാശ്രയ എൻജിനിയറിംഗ് കോളേജുകളിലെ കമ്യൂണിറ്റി/ രജിസ്റ്റേർഡ് ട്രസ്റ്റ് ക്വാട്ട സീറ്റുകളിലേക്ക് അപേക്ഷിക്കാം. കോ-ഓപ്പറേറ്റീവ് അക്കാഡമി ഒഫ് പ്രൊഫഷണൽ എജ്യുക്കേഷന്റെ കീഴിലുള്ള സർക്കാർ കോസ്റ്റ് ഷെയറിംഗ് എൻജിനിയറിംഗ് കോളേജുകളിലെ കോഴ്സുകളിൽ, സംസ്ഥാന സഹകരണ വകുപ്പിലെ ജീവനക്കാരുടെയും രജിസ്ട്രാർ ഒഫ് കോ-ഓപ്പറേറ്റീവ് സൊസൈറ്റിയുടെ കീഴിലുള്ള സഹകരണ സൊസൈറ്റികൾ/ബാങ്കുകൾ/മറ്റു സ്ഥാപനങ്ങൾ എന്നിവയിലെ ജീവനക്കാരുടെയും ഡയറക്ടർ ബോർഡ് അംഗങ്ങളുടെയും മക്കൾക്കായി നീക്കിവച്ചിട്ടുള്ള അഞ്ചു ശതമാനം സീറ്റുകളിലേക്ക് റാങ്ക് ലിസ്റ്റിൽനിന്നു യോഗ്യരായ വിദ്യാർത്ഥികളെ കേന്ദ്രീകൃത അലോട്മെന്റിലൂടെ പ്രവേശന പരീക്ഷാ കമ്മിഷണർ അലോട്ട് ചെയ്യും.
കമ്യൂണിറ്റി/രജിസ്റ്റേർഡ് സൊസൈറ്റി/രജിസ്റ്റേർഡ് ട്രസ്റ്റ് ക്വാട്ടാ സീറ്റുകളിലേക്ക് പ്രവേശനം ആഗ്രഹിക്കുന്നവർ www.cee.kerala.gov.in ലെ ‘KEAM 2024- Candidate Portal’ എന്ന ലിങ്കിലൂടെ ഹോം പേജിൽ പ്രവേശിച്ച് ‘Communtiy Quota Proforma’ എന്ന മെനു ക്ലിക്ക് ചെയ്ത് കോളേജ് സെലക്ട് ചെയ്യുമ്പോൾ ലഭ്യമാകുന്ന പ്രൊഫോർമയുടെ പ്രിന്റൗട്ട് എടുത്ത് ഒപ്പിട്ടശേഷം, ആവശ്യമായ രേഖകൾ സഹിതം 13-ന് വൈകിട്ട് 4നകം കോളേജിൽ ഹാജരാകണം. കോളേജുകളുടെ തരംതിരിച്ചുള്ള ലിസ്റ്റ്, വിശദവിവരങ്ങൾ എന്നിവ വെബ്സൈറ്റിൽ.
എംടെക് പ്രവേശനം
തിരുവനന്തപുരം: എംടെക് പ്രവേശനത്തിന് ഓൺലൈനായി 12വരെ അപേക്ഷിക്കാം. വിവരങ്ങൾ www.dtekerala.gov.in/ വെബ്സൈറ്റിൽ.
ഓപ്പൺ യൂണി. വയനാട്
ജില്ലയിലെ പരീക്ഷകൾ മാറ്റി
കൊല്ലം: വയനാട് എൻ.എം.എസ്.എം ഗവ. കോളേജിൽ ഇന്ന് നടത്താൻ തീരുമാനിച്ചിരുന്ന ശ്രീനാരായണഗുരു ഓപ്പൺ യൂണിവേഴ്സിറ്റിയുടെ പരീക്ഷകൾ മാറ്റിവച്ചതായി പരീക്ഷാ കൺട്രോളർ അറിയിച്ചു. പി.ജി (2022 അഡ്മിഷൻ) മൂന്നാം സെമസ്റ്റർ, പി.ജി (2023 അഡ്മിഷൻ) രണ്ടാം സെമസ്റ്റർ, യു.ജി (2022 അഡ്മിഷൻ) മൂന്നാം സെമസ്റ്റർ പരീക്ഷകളാണ് മാറ്റിയത്. പുതുക്കിയ പരീക്ഷാ തീയതി പിന്നീട് അറിയിക്കും. മറ്റ് പരീക്ഷാകേന്ദ്രങ്ങളിൽ ഇന്ന് നിശ്ചയിച്ചിട്ടുള്ള പരീക്ഷകൾക്ക് മാറ്റമില്ല. വിശദഅന്വേഷണങ്ങൾക്ക് e23@sgou.ac.in എന്ന മെയിൽ ഐ.ഡിയിലോ 9188920013, 9188920014 എന്നീ നമ്പരുകളിലോ ബന്ധപ്പെടാം.
ഗുരുവായൂർ ദേവസ്വം: അഭിമുഖം 21നും 22നും
തിരുവനന്തപുരം: ഗുരുവായൂർ ദേവസ്വത്തിലെ നഴ്സിംഗ് അസിസ്റ്റന്റ് (ഫീമെയിൽ) (കാറ്റഗറി 18/2022) അഭിമുഖം 21ന് രാവിലെ 10.30 മുതലും ഫിസിഷ്യൻ (കാറ്റഗറി 12/2023) അഭിമുഖം 22ന് രാവിലെ 10.30 മുതലും ഗുരുവായൂർ നഴ്സിംഗ് അസിസ്റ്റന്റ് (മെയിൽ) (കാറ്റഗറി 17/2022) അഭിമുഖം 22 ന് രാവിലെ 11 മുതലും തിരുവനന്തപുരത്തെ കേരള ദേവസ്വം റിക്രൂട്ട്മെന്റ് ബോർഡ് ഓഫീസിൽ നടക്കും. വിശദാംശങ്ങൾ www.kdrb.kerala.gov.inൽ.16 വരെ അറിയിപ്പ് ലഭിക്കാത്ത ചുരുക്കപ്പട്ടികയിൽ ഉൾപ്പെട്ടവർ ഓഫീസുമായി ബന്ധപ്പെടണമെന്ന് സെക്രട്ടറി അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |