വാസ്തുശാസ്ത്ര പ്രകാരം ചില മരങ്ങൾ വീട്ടുമുറ്റത്ത് നടുന്നതുകൊണ്ട് ദോഷങ്ങളുണ്ടാകും. എന്നാൽ ചില വൃക്ഷങ്ങൾ കുടുംബത്തിൽ സർവ ഐശ്വര്യങ്ങളും കൊണ്ടുവരും. അതിൽ ഒന്നാണ് നെല്ലി മരം. വാസ്തു പ്രകാരം വീടുകളിൽ നെല്ലിമരം നടുന്നത് കുടുംബാംഗങ്ങളുടെ ആരോഗ്യവും ധനവും വർദ്ധിക്കാൻ കാരണമാകും എന്നാണ് വിശ്വാസം.
യൂഫോർബിയാസീ എന്ന സസ്യകുടുംബത്തിൽപ്പെടുന്ന ഒരു ഇലപൊഴിയുന്ന മരമാണ് നെല്ലി സംസ്കൃതത്തിൽ ആമലകി, അമൃതഫലം എന്നറിയപ്പെടുന്ന നെല്ലിക്ക ആയുർവേദ ഔഷധങ്ങളിലെ പ്രധാന ചേരുവയാണ്. ജരാനരകൾ അകറ്റി ആരോഗ്യം പ്രദാനം ചെയ്യുന്ന നെല്ലിക്ക അമൃതിനു തുല്യമാണെന്നാണ് പറയപ്പെടുന്നത്.ആയുർവേദത്തിൽ നെല്ലിയുടെ എല്ലാ ഭാഗങ്ങളും ഔഷധമായി ഉപയോഗിക്കുന്നുണ്ട്.
ച്യവനപ്രാശത്തിലെയും, രസായനങ്ങളിലെയും പ്രധാന ചേരുവയാണ് നെല്ലിക്ക. നെല്ലിക്ക ചേർത്ത എണ്ണകൾ ത്വക്ക് രോഗങ്ങൾക്ക് ഉപയോഗിക്കുന്നു. പ്രധാനമായും കായകളാണ് ഉപയോഗിക്കുന്നതെങ്കിലും ചില ഔഷധകൂട്ടുകളിൽ ഇല, വേര്, തൊലി എന്നിവയും ഉപയോഗിക്കുന്നുണ്ട്. നെല്ലിക്ക കുരു ഉണക്കിപൊടിച്ച് കഷായം വച്ച് പതിവായി കഴിച്ചാൽ സ്ത്രീകളിലുണ്ടാകുന്ന വെള്ളപോക്ക് ശമിക്കും.
ഒട്ടനവധി സവിഷേതകളുള്ള ഈ വൃക്ഷം വീടിന്റെ കുബേര ദിക്കായ വടക്കുഭാഗത്ത് നട്ടുവളർത്തുന്നതാണ് ഉത്തമം. ഈ ഭാഗത്തു നെല്ലിമരം ഉണ്ടെങ്കിൽ കുടുംബത്തിന് സമ്പത്തിന്റെ കാര്യത്തിൽ ഒരു കുറവും വരില്ലെന്നാണ് വിശ്വാസം. കൂടാതെ മാസപ്പിറവി, വെള്ളിയാഴ്ച, നവമി, അമാവാസി, പൗർണമി എന്നീ ദിവസങ്ങളിൽ നെല്ലിക്ക അടർത്താൻ പാടുള്ളതല്ല.പൂജാമുറിയിലും നെല്ലിക്ക വയ്ക്കുന്നത് സാമ്പത്തിക അഭിവൃദ്ധിക്ക് കാരണമാകുമെന്നാണ് വിശ്വാസം. വീട്ടുവളപ്പിൽ ഒരു നെല്ലി മരമെങ്കിലും ഉണ്ടെങ്കിൽ പോസിറ്റീവ് ഊർജം വർദ്ധിക്കും. ഭരണി നാളുകാരുടെ ജന്മനക്ഷത്ര വൃക്ഷമാണ് നെല്ലി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |