SignIn
Kerala Kaumudi Online
Sunday, 20 October 2019 5.54 PM IST

ചൂതുകളിയിൽ തോറ്റ ഭർത്താവ് പണയം വച്ചത് ഭാര്യയെ ; തോറ്റപ്പോൾ യുവതിയെ കൂട്ടബലാത്സംഗം ചെയ്യാൻ അനുമതിയും നൽകി

up-crime-

ലക്‌നൗ : ചൂതുകളിയിൽ പണം മുഴുവൻ നഷ്ടപ്പെട്ടത് ഭർത്താവിന് പണയം വയ്ക്കാൻ അവസാനമായി ഉണ്ടായിരുന്നത് സ്വന്തം ഭാര്യയെ. വീണ്ടും തോറ്റതോടെ ഭർത്താവ് സുഹൃത്തുക്കൾക്ക് ഭാര്യയെ ബലാത്സംഗം ചെയ്യാൻ അനുമതിയും നൽകി.

ഉത്തര്‍പ്രദേശിലെ ജൗൻപൂരിലാണ് സംഭവം. സംഭവത്തെപ്പറ്റി യുവതി പൊലീസിൽ പരാതിപ്പെട്ടെങ്കിലും നടപടിയൊന്നും ഉണ്ടായില്ല. ഇതേത്തുടർന്ന് യുവതി കോടതിയെ സമീപിച്ചു. കോടതി ഉത്തരവിനെത്തുടർന്ന് ജാഫർബാദ് പൊലീസ് കൂട്ടബലാത്സംഗത്തിന് കേസെടുത്തു.

ചൂതാട്ടത്തിന് പുറമെ മദ്യപാനത്തിനും അടിമയാണ് യുവതിയുടെ ഭർത്താവ്. ഭർത്താവിന്റെ സുഹൃത്തായ അരുണും ഇയാളുടെ ബന്ധു അനിലും യുവതിയുടെ വീട്ടിൽ മദ്യപിക്കാനും ചൂതുകളിക്കാനും വരുന്നത് പതിവാക്കിയവരാണ്. ജൂലായ് അവസാനം ഇവരുമൊത്ത് ചൂതുകളിക്കുന്നതിനിടെയാണ് ഭർത്താവ് യുവതിയെ പണയം വച്ചത്. യുവാവ് പരാജയപ്പെട്ടതോടെ സുഹൃത്തുക്കൾ യുവതിയെ ബലാത്സംഗം ചെയ്യുകയായിരുന്നു.

സംഭവത്തിനുശേഷം യുവതി അമ്മാവന്റെ വീട്ടിലേക്ക് പോയി. എന്നാൽ അവിടെയെത്തിയ ഭർത്താവ് ക്ഷമചോദിക്കുകയും തനിക്ക് തെറ്റുപറ്റിയെന്ന് യുവതിയോട് പറയുകയും ചെയ്തു. ഇതോടെ യുവതി ഭർത്താവിന്റെ കാറില്‍ കയറി തിരികെ വീട്ടിലേക്കുപോയി. എന്നാൽ വഴിയിൽവച്ച് ഭര്‍ത്താവ് കാർ നിറുത്തി വീണ്ടും ഭാര്യയെ ബലാത്സംഗം ചെയ്യാൻ സുഹൃത്തുക്കൾക്ക് വീണ്ടും അവസരം നല്‍കി. ഇതേത്തുടർന്നാണ് യുവതി പരാതിയുമായി പൊലീസിനെയും പിന്നീട് കോടതിയേയും സമീപിച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, UTTARPRADESH, CRIME, GANGRAPE
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.