വിദ്യാഭ്യാസ വകുപ്പിൽ ലാസ്റ്റ് ഗ്രേഡ് ജീവനക്കാരുടെ പ്രമോഷൻ വൈകുന്നു

കോട്ടയം: മേലുദ്യോഗസ്ഥരുടെ അനാസ്ഥ മൂലം ജില്ലയിൽ വിദ്യാഭ്യാസ വകുപ്പിൽ ലാസ്റ്റ് ഗ്രേഡ് ജീവനക്കാരുടെ പ്രമോഷൻ വൈകുന്നതായി ആക്ഷേപം.

എൽ.ഡി ടൈപ്പിസ്റ്റ് , എൽ.ഡി ക്ലർക്ക് തസ്തികകളിലേക്കുള്ള ജീവനക്കാരുടെ സ്ഥാനക്കയറ്റം വൈകുന്നത് ലാസ്റ്റ് ഗ്രേഡ് റാങ്ക് ലിസ്റ്റിലുള്ളവരുടെ അവസരം നഷ്ടപ്പെടാൻ ഇടയാക്കുമെന്നും ചൂണ്ടിക്കാട്ടുന്നു. രണ്ട് വർഷം മുമ്പ് ഒഴിവുവന്ന എൽ.ഡി ടൈപ്പിസ്റ്റ് , ജനുവരി മുതൽ ഒഴിഞ്ഞുകിടക്കുന്ന എൽ.ഡി ക്ലർക്ക് തസ്തികകളിലാണ് ഇത്രയധികം കാലതാമസം നേരിടുന്നത്. ഉന്നതഉദ്യോഗസ്ഥർ കാട്ടുന്ന അനാസ്ഥ മൂലം വിഷയത്തിൽ നടപടികൾ ഇഴയുകയാണ്. ഇതിനെതിരെ ജീവനക്കാരിൽ നിന്ന് വലിയ പ്രതിഷേധവും ഉയരുന്നുണ്ട്.