അങ്കണവാടി കെട്ടിടം ഉദ്ഘാടനം

മുഹമ്മ : ജില്ലാ പഞ്ചായത്ത് ആര്യാട് ഡിവിഷനിലെ ആര്യാട് പഞ്ചായത്ത് 7-ാംവാർഡിലെ 7 ാംനമ്പർ അങ്കണവാടി കെട്ടിടം ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി ഉദ്ഘാടനം ചെയ്തു. കരോത്ത് കുടുംബം ഗോവിന്ദൻ കുട്ടിയുടെ സ്മരണാർത്ഥം മക്കൾ ബാലകൃഷ്ണ കൈമൾ , രാജേശ്വരി , ഇന്ദു എന്നിവർ ചേർന്ന് നല്കിയ 3 സെന്റ് സ്ഥലത്താണ് അങ്കണവാടി നിർമ്മിച്ചത്. ജില്ലാപഞ്ചായത്ത് അംഗം ആർ.റിയാസ് അനുവദിച്ച 20 ലക്ഷം രൂപ ഉപയോഗിച്ചാണ് അംഗനവാടി കെട്ടിടം നിർമ്മിച്ചത്. ചടങ്ങിൽ ഗ്രാമ പഞ്ചായത്ത് പ്രസിഡന്റ് എസ്.സന്തോഷ്ലാൽ അദ്ധ്യക്ഷനായി.ആര്യാട് ബ്ലോക്ക് പഞ്ചായത്ത് പ്രസിഡന്റ് കെ.ഡി. മഹീന്ദ്രൻ മുഖ്യാതിഥിതിയായി.