SignIn
Kerala Kaumudi Online
Monday, 16 September 2019 2.29 AM IST

കേരള സർവ​ക​ലാ​ശാ​ല

kerala-university

ഒന്നാം വർഷ ബിരുദാനന്തരബിരുദ പ്രവേശനം - 2019
എസ്.സി/എസ്.ടി. സ്‌പോട്ട് അലോട്ട്‌മെന്റ് 13-ന് സെനറ്റ് ഹാളിൽ

2019-20-ലെ ഒന്നാം വർഷ ബിരുദാനന്തര ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്.സി./എസ്.ടി. സീറ്റുകളിലേയ്ക്ക് സ്‌പോട്ട് അലോട്ട്‌മെന്റ് നടത്തുന്നു. വിദ്യാർത്ഥികൾ സർവകലാശാല സെനറ്റ് ഹാളിൽ 13-ന് ഹാജരാകണം. രാവിലെ ഒമ്പത് മുതൽ 11 വരെ വിദ്യാർത്ഥികൾ ഓൺലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ സ്‌പോട്ട് അലോട്ട്‌മെന്റിൽ പ്രവേശനം ഉറപ്പായാൽ മാത്രമേ ടി.സി. വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്‌പോട്ട് അലോട്ട്‌മെന്റിൽ പങ്കെടുക്കാൻ വരുന്ന വിദ്യാർത്ഥികളുടെ കൈവശം യോഗ്യതയും ജാതിയും തെളിയിക്കുന്ന അസ്സൽ സർട്ടിഫിക്കറ്റുകൾ ഉണ്ടായിരിക്കണം. നിലവിൽ പ്രവേശനം ലഭിക്കാതെ സ്‌പോട്ട് അലോട്ട്‌മെന്റിൽ പങ്കെടുക്കാൻ വരുന്ന ആർക്കും തന്നെ സർട്ടിഫിക്കറ്റ് ഹാജരാക്കുവാൻ പ്രത്യേക സമയം അനുവദിക്കുന്നതല്ല. കോളേജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്‌ട്രേഷൻ സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. രജിസ്‌ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർത്ഥികളിൽ നിന്നും സർവകലാശാല തയ്യാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക.

അലോട്ട്‌മെന്റ് ലഭിച്ചാൽ ഉടൻ തന്നെ പ്രവേശന ഫീസ് (310/- രൂപ) ഒടുക്കണം. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ കോളേജിൽ നിന്നും ലഭിച്ച തിരിച്ചറിയൽ കാർഡ്, ഓൺലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കണം. പ്രവേശന ഫീസായ 310/​- രൂപ മുമ്പ് ഒടുക്കിയിട്ടുള്ളവർ വീണ്ടും ഒടുക്കേണ്ട. അവർ ഈ തുക ഒടുക്കിയ രസീതിന്റെ പകർപ്പ് കൈവശം സൂക്ഷിക്കണം. ഓൺലൈൻ അപേക്ഷ സമർപ്പിച്ചിട്ടുള്ള എല്ലാവരേയും പരി​ഗ​ണി​ച്ച​തിന് ശേഷം മാത്രമേ ഓൺലൈൻ രജിസ്‌ട്രേഷൻ ഇല്ലാത്തവരെ അലോട്ട്‌മെന്റിൽ പരിഗണിക്കുകയുള്ളൂ. സ്‌പോട്ട് അലോട്ട്‌മെന്റിനാ​​യി സർവ​ക​ലാ​ശാ​ല​യി​ലേയ്ക്ക് അപേ​ക്ഷ​കൾ ഒന്നും തന്നെ അയ​ക്കേണ്ട​​തി​ല്ല.

എസ്.സി/എസ്.ടി.മേഖലാതല സ്‌പോട്ട് അലോട്ട്‌മെന്റ്

2019-20-ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്.സി./എസ്.ടി. സീറ്റുകളിലേയ്ക്ക് മേഖലാതലത്തിൽ സ്‌പോട്ട് അലോട്ട്‌മെന്റ് നടത്തുന്നു. തിരുവനന്തപുരം മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ സർവകലാശാല സെനറ്റ് ഹാളിൽ ഏഴിനും കൊല്ലം മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ കൊല്ലം എസ്.എൻ. കോളേജിൽ എട്ടിനും ഹാജരാകണം. അടൂർ മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ അടൂർ സെന്റ് സിറിൾസ് കോളേജിൽ എട്ടിനും ആലപ്പുഴ മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ ആലപ്പുഴ എസ്.ഡി.കോളേജിൽഒമ്പതിനും ഹാജരാകണം. രാവിലെ 9 മണി മുതൽ 11 മണി വരെ എസ്.സി./എസ്.ടി. വിദ്യാർത്ഥികൾ ഓൺലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ സ്‌പോട്ട് അലോട്ട്‌മെന്റിൽ പ്രവേശനം ഉറപ്പായാൽ മാത്രമേ ടി.സി.വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്‌പോട്ട് അലോട്ട്‌മെന്റിൽ പങ്കെടുക്കാൻ വരുന്ന വിദ്യാർത്ഥികളുടെ കൈവശം യോഗ്യതയും ജാതിയും തെളിയിക്കുന്ന അസ്സൽ സർട്ടിഫിക്കറ്റുകൾ ഉണ്ടായിരിക്കണം. കോളേജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്‌ട്രേഷൻ സമയം (രാവിലെ 9 മുതൽ 11 മണി വരെ) കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. ഓരോ മേഖലയിലും ഉൾപ്പെടുത്തിയിരിക്കുന്ന കോളേജുകളുടെ വിവരം http://admissions.keralauniversity.ac.inൽപ്രസിദ്ധീകരിക്കും.

രജിസ്‌ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർത്ഥികളിൽ നിന്നും സർവകലാശാല തയ്യാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓൺലൈൻ രജിസ്‌ട്രേഷൻ ഇല്ലാത്തവരെ ഓൺലൈൻ അപേക്ഷ സമർപ്പിച്ചിട്ടുള്ള എല്ലാവരേയും പരി​ഗ​ണി​ച്ച​തിന് ശേഷം മാത്രമേ അലോട്ട്‌മെന്റിൽ പരിഗണിക്കുകയുള്ളൂ.

അലോട്ട്‌മെന്റ് ലഭിച്ചാൽ ഉടൻ തന്നെ ഒടുക്കേണ്ട പ്രവേശന ഫീസ് (940/- രൂപ) കൈയിൽ കരുകതണം. ഓൺലൈൻ രജി​സ്‌ട്രേ​ഷൻ ഇല്ലാത്ത വിദ്യാർത്ഥി​കൾക്ക് അഡ്മി​ഷൻ ലഭിക്കു​ക​യാ​ണെ​ങ്കിൽ രജി​സ്‌ട്രേ​ഷൻ ഫീസായ 220/- രൂപയും ഒടു​ക്കണം. ഇതിനായി കൂടുതൽ സമയം അനുവദിക്കുന്നതല്ല. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ കോളേജിൽ നിന്നും ലഭിച്ച തിരിച്ചറിയൽ കാർഡ്, ഓൺലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കണം. പ്രവേശന ഫീസായ 940/​- രൂപ മുൻപ് ഒടുക്കിയിട്ടുള്ള വിദ്യാർത്ഥികൾ വീണ്ടും തുക ഒടുക്കേതില്ല. ആയതിനാൽ അവർ ഈ തുക ഒടുക്കിയ രസീതിന്റെ പകർപ്പ് നിശ്ചയമായും കൈവശം സൂക്ഷിക്കണം. സ്‌പോട്ട് അലോട്ട്‌മെന്റിനാ​​യി സർവ​ക​ലാ​ശാ​ല​യി​ലേയ്ക്ക് അപേ​ക്ഷ​കൾ ഒന്നും തന്നെ അയ​ക്കേണ്ട.

ടൈംടേ​ബിൾ

2019 ആഗ​സ്റ്റിൽ നട​ത്തുന്ന നാലാം സെമ​സ്റ്റർ ബാച്ചി​ലർ ഒഫ് ഹോട്ടൽ മാനേ​ജ്‌മെന്റ് ആൻഡ് കാറ്റ​റിംഗ് ടെക്‌നോ​ളജി (ബി.​എ​ച്ച്.​എം) (2014 സ്‌കീം - റെഗു​ലർ, ഇംപ്രൂ​വ്‌മെന്റ്, സപ്ലി​മെന്റ​റി) പരീ​ക്ഷാ ടൈംടേ​ബിൾ വെബ്‌സൈ​റ്റിൽ.


പുതു​ക്കിയ പരീ​ക്ഷാ​തീ​യതി

നാലാം സെമ​സ്റ്റർ സി.​ബി.​സി.​എസ് 7 ന് നട​ത്താ​നി​രുന്ന SN 1431 –Correction and Translation (Nyaya) SS 1431 – Poetics III, SV 1431 – Poetics in Sanskrit & Sanskrit Literature, SY 1431 – Liberal Interprepation of Panini, SJ 1431 – Thamboola Vicharah (2013, 14 & 15 Admissions), SJ 1431 – Bhugola Parijnanam (2016 Admission onwards) എന്നീ പരീ​ക്ഷ​കൾ 9 ന് 2 മുതൽ 5 വരെ നട​ത്തും.


ഓൺലൈൻ രജി​സ്‌ട്രേ​ഷൻ

ബി.എ എസ്.​ഡി.ഇ ബിരുദ (2017 അഡ്മി​ഷൻ) മൂന്നും നാലും സെമ​സ്റ്റർ പരീ​ക്ഷ​ക​ളുടെ ഓൺലൈൻ രജി​സ്‌ട്രേ​ഷൻ 3 മുതൽ ആരം​ഭി​ക്കും.


പരീ​ക്ഷാ​ ഫലം

ഏഴാം സെമ​സ്റ്റർ ബാച്ചി​ലർ ഒഫ് ഹോട്ടൽ മാനേ​ജ്‌മെന്റ് ആൻഡ് കാറ്റ​റിംഗ് ടെക്‌നോ​ളജി (2014 & 2011 സ്‌കീം) പരീ​ക്ഷാ​ഫലം വെബ്‌സൈ​റ്റിൽ. പുനർമൂ​ല്യ​നിർണ്ണ​യ​ത്തിനും സൂക്ഷ്മ​പ​രി​ശോ​ധ​നയ്ക്കും 12 വരെ അപേ​ക്ഷി​ക്കാം. അഞ്ചാം സെമ​സ്റ്റർ ത്രിവ​ത്സര എൽ.​എൽ.ബി പരീ​ക്ഷാ​ഫലം പ്രസി​ദ്ധീ​ക​രി​ച്ചു. വിദൂര വിദ്യാ​ഭ്യാസ പഠന കേന്ദ്രം ഒന്നും രണ്ടും സെമ​സ്റ്റർ എം.എ ഹിസ്റ്ററി പരീ​ക്ഷാ​ഫലം വെബ്‌സൈ​റ്റിൽ. ഒന്നാം വർഷ എം.​വി.എ (പെ​യിന്റിം​ഗ്) നാലാം വർഷ എം.​വി.എ (പെ​യിന്റിംഗ് ആൻഡ് ആർട്ട് ഹിസ്റ്റ​റി) പരീ​ക്ഷാ​ഫലം വെബ്‌സൈ​റ്റിൽ. സൂക്ഷ്മ​പ​രി​ശോ​ധ​നയ്ക്ക് 17 വരെ അപേ​ക്ഷി​ക്കാം.

സർട്ടി​ഫി​ക്കറ്റ് അപ്‌ലോഡ് ചെയ്യാം

സർവ​ക​ലാ​ശാല ഹോസ്റ്റ​ലു​ക​ളി​ലേയ്ക്ക് 2019 - 20 അദ്ധ്യ​യന വർഷത്തെ പ്രവേ​ശ​ന​ത്തി​നു​ളള ഓൺലൈൻ രജി​സ്‌ട്രേ​ഷൻ സമ​യ​ത്ത്, ബി.​പി.​എൽ സർട്ടി​ഫി​ക്കറ്റ് അപ്‌ലോഡ് ചെയ്യാൻ കഴി​യാത്ത എന്നാൽ ബി.​പി.​എൽ സംവ​ര​ണ​ത്തിന് അർഹ​ത​യു​ളള വിദ്യാർത്ഥി​കൾക്ക് 7ന് വൈകു​ന്നേരം 5 വരെ പ്രൊഫൈ​ലിൽ ബി.​പി.​എൽ സർട്ടി​ഫി​ക്കറ്റ് അപ്‌ലോഡ് ചെയ്യാം. പുതു​ക്കിയ ലിസ്റ്റ് 9 ന് വെബ്‌സൈ​റ്റിൽ പ്രസി​ദ്ധീ​ക​രി​ക്കും.


സൂക്ഷ്മ​പ​രി​ശോ​ധ​ന

ആറാം സെമ​സ്റ്റർ ബി.​ടെക് സപ്ലി​മെന്ററി ഫെബ്രു​വരി 2019, എട്ടാം സെമ​സ്റ്റർ ബി.​ടെക് സപ്ലി​മെന്ററി ഡിസം​ബർ 2018, എട്ടാം സെമ​സ്റ്റർ ബി.​ടെക് പാർട്ട് ടൈം ഡിസം​ബർ 2018, എട്ടാം സെമ​സ്റ്റർ ബി.​ടെക് യൂണി​വേ​ഴ്സിറ്റി കോളേജ് ഒഫ് എൻജിനിയറിം​ഗ്, കാര്യ​വട്ടം ഏപ്രിൽ 2019, ആറാം സെമ​സ്റ്റർ ബി.​ടെക് യൂണി​വേ​ഴ്സിറ്റി കോളേജ് ഒഫ് എൻജിനിയറിം​ഗ്,​ കാര്യ​വട്ടം മാർച്ച് 2019 എന്നീ 2013 സ്‌കീമി​ലു​ളള ബി.​ടെക് പരീ​ക്ഷ​ക​ളുടെ സൂക്ഷ്മ​പ​രി​ശോ​ധ​നയ്ക്ക് അപേ​ക്ഷി​ച്ചി​ട്ടു​ളള വിദ്യാർത്ഥി​കൾ ഫോട്ടോ പതിച്ച ഐ.ഡി കാർഡും ഹാൾടി​ക്ക​റ്റു​മായി റീവാ​ല്യു​വേ​ഷൻ സെക്ഷ​നിൽ (ഇ.ജെ VII)ആഗസ്റ്റ് 6 മുതൽ 9 വരെ​യു​ളള പ്രവൃത്തി ദിന​ങ്ങ​ളിൽ ഹാജ​രാ​കണം.


സീറ്റ് ഒഴിവ്

കാര്യ​വ​ട്ടത്തെ എം.​ടെക് ഇല​ക്‌ട്രോ​ണിക്സ് ആൻഡ് കമ്മ്യൂ​ണി​ക്കേ​ഷൻ (ഒപ്‌ടോ ഇല​ക്‌ട്രോ​ണിക്സ് ആൻഡ് ഒപ്റ്റി​ക്കൽ കമ്മ്യൂ​ണി​ക്കേ​ഷൻ) (ഒപ്‌ടോ ഇല​ക്‌ട്രോ​ണിക്സ് ഡിപ്പാർട്ട്‌മെന്റ്), എം.​ടെക് ടെക്‌നോ​ളജി മാനേ​ജ്‌മെന്റ് (ഫ്യൂ​ച്ചർ സ്റ്റഡീസ് ഡിപ്പാർട്ട്‌മെന്റ്), എം.​ടെക് കമ്പ്യൂ​ട്ടർ സയൻസ് (ക​മ്പ്യൂ​ട്ടർ സയൻസ് ഡിപ്പാർട്ട്‌മെന്റ്) എന്നീ പ്രോഗ്രാ​മു​ക​ളിൽ എസ്.സി, എസ്.ടി വിഭാ​ഗ​ങ്ങളിൽ സീറ്റ് ഒഴി​വുണ്ട്. താൽപ​ര്യ​മു​ള​ള​വർ അസ്സൽ സർട്ടി​ഫി​ക്ക​റ്റു​ക​ളു​മായി 9 ന് രാവിലെ 10.00ന് അതത് പഠന വകു​പ്പു​ക​ളിൽ ഹാജ​രാ​കണം.


അപേക്ഷ ക്ഷണി​ക്കുന്നു

ഇന്റർ യൂണി​വേ​ഴ്സിറ്റി സെന്റർ ഫോർ ജിയോസ്‌പേഷ്യൽ ഇൻഫർമേ​ഷൻ സയൻസ് ആൻഡ് ടെക്‌നോ​ള​ജി​യിൽ പി.ജി ഡിപ്ലോമ ഇൻ ജിയോ ഇൻഫർമേ​ഷൻ സയൻസ് ആൻഡ് ടെക്‌നോ​ളജി കോഴ്സിന് 2019 - 20 ലേക്കു​ളള അഡ്മി​ഷന് വേണ്ടിയു​ളള അപേക്ഷ ക്ഷണി​ച്ചു. യോഗ്യത: ജിയോ​ള​ജി, ജിയോ​ഗ്ര​ഫി, എൻവ​യോൺമെന്റ് സയൻസ്, കമ്പ്യൂ​ട്ടർ സയൻസ്, ഫിസിക്സ് ഇവ​യിൽ ഏതി​ലെ​ങ്കിലും പി.ജി. അപേക്ഷ സമർപ്പി​ക്കേണ്ട അവ​സാന തീയതി ഒക്‌ടോ​ബർ 10 ഫോൺ: 0471 2308214. വിശ​ദ​വി​വ​ര​ങ്ങൾക്ക്: www.cgist.ac.in

കേരള സർവ​ക​ലാ​ശാ​ല​യിലെ ഡിപ്പാർട്ട്‌മെന്റ് ഒഫ് പൊളി​റ്റി​ക്കൽ സയൻസിൽ ആരം​ഭിച്ച പബ്ലിക് അഡ്മി​നി​സ്‌ട്രേ​ഷൻ എം.എ കോഴ്സു​മായി ബന്ധ​പ്പെട്ട് ചില മാദ്ധ്യ​മ​ങ്ങ​ളിൽ വന്ന വാർത്ത അടി​സ്ഥാ​ന​ര​ഹി​ത​മെന്ന് സർവ​ക​ലാ​ശാല പത്ര​ക്കു​റി​പ്പിൽ അറി​യി​ച്ചു. ജൂണിൽ തുട​ങ്ങിയ എം.എ പബ്ലിക് അഡ്മി​നി​സ്‌ട്രേ​ഷൻ കോഴ്സിന്റെ ആദ്യ സെമ​സ്റ്റ​റിലെ മൂന്നു പേപ്പറുകളും എം.എ പൊളി​റ്റി​ക്കൽ സയൻസി​ന്റേത് തന്നെ​യാ​ണ്. ബാക്കി​യു​ളള ഒരു പേപ്പർ മാത്ര​മാണ് വ്യത്യ​സ്ത​മാ​യി​ട്ടു​ള​ള​ത്. മുഴു​വൻ പേപ്പ​റു​കളും പഠി​പ്പി​ക്കു​ന്ന​തി​നാ​വ​ശ്യ​മായ സംവി​ധാ​ന​ങ്ങൾ പൊളി​റ്റി​ക്കൽ സയൻസ് ഡിപ്പാർട്ട്‌മെന്റിലുണ്ട്. സില​ബ​സുൾപ്പെടെ കോഴ്സ് നട​ത്തു​ന്ന​തി​നാ​വ​ശ്യമായ എല്ലാ അക്കാ​ദ​മിക നട​പ​ടി​കളും നിയ​മ​പ​ര​മാ​യി​തന്നെ പൂർത്തീ​ക​രി​ച്ചി​ട്ടു​മുണ്ട്. ക്ലാസു​കൾ നട​ത്താ​നാ​വ​ശ്യ​മായ അഡീ​ഷ​ണൽ ഫാക്കൽറ്റി സംവി​ധാനം കോൺട്രാക്ട് അടി​സ്ഥാ​ന​ത്തിൽ ഏർപ്പെ​ടു​ത്തു​ന്ന​തി​നു​ളള നട​പ​ടി​കൾ സർവ​ക​ലാ​ശാല സ്വീക​രി​ച്ചി​ട്ടുണ്ട്. വസ്തുതകൾ തിരി​ച്ച​റി​യാതെ ആരോ​പ​ണ​ങ്ങൾ ഉന്ന​യി​ക്കു​ന്നത് നീതി​യ​ല്ലെന്നും സർവ​ക​ലാ​ശാല പത്ര​ക്കു​റി​പ്പിൽ അറി​യി​ച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA UNIVERSITY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.