15 വർഷത്തിന് ശേഷം കിവികളെ കൂട്ടിലാക്കി ലങ്ക

ഗാലെ: രണ്ടാം ടെസ്റ്റിൽ ന്യൂസിലൻ‌ഡിനെ ഇന്നിംഗ്‌സിനും 154 റൺസിനും കീഴടക്കി രണ്ട് മത്സരങ്ങൾ ഉൾപ്പെട്ട പരമ്പര തൂത്തുവാരി ശ്രീലങ്ക. 15 വർഷത്തിന് ശേഷമാണ് ന്യൂസിലൻഡിനെതിരായ ടെസ്റ്റ് പരമ്പര ശ്രീലങ്ക സ്വന്തമാക്കുന്നത്. ഒന്നാം ഇന്നിംഗ്‌സ് 602/5 എന്ന നിലയിൽ ഡിക്ലയർ ചെയ്ത ശ്രീലങ്കയ്ക്ക് എതിരെ ന്യൂസിലൻഡ് ഒന്നാം ഇന്നിംഗ്സിൽ 88 റൺസിന് ഓൾഔട്ടായിരുന്നു. 514 റൺസിന്റെ ലീഡ് വഴങ്ങി ഫോളോൺ ചെയ്ത ന്യൂസിലൻഡ് നാലാം ദിനമായ ഇന്നലെ 360 റൺസിന് ഓൾഔട്ടാവുകയായിരുന്നു. 199/5 എന്ന നിലയിലാണ് ഇന്നലെ ന്യൂസിലൻഡ് രണ്ടാം ഇന്നിംഗ്‌സ് പുനരാരംഭിച്ചത്. ശ്രീലങ്കയ്‌ക്കായി നിഷാൻ പെയ്‌രിസ് 6 വിക്കറ്റ് നേടി.