SignIn
Kerala Kaumudi Online
Sunday, 22 September 2019 5.58 AM IST

ന്യുമോണി​യ അല്ല, രാജ്കുമാറിനെ ഇടി​ച്ചുകൊന്നത് തന്നെ

cdeath

കൊച്ചി: പീരുമേട് സബ്‌ജയിലിൽ റിമാൻഡിലിരിക്കേ കോലാഹലമേട് സ്വദേശി രാജ്കുമാർ മരിച്ചത്

ക്രൂരപീഡനത്താലാണെന്ന് രണ്ടാം പോസ്റ്റ്മോർട്ടം റി​പ്പോർട്ട്.

ന്യൂമോണി​യ മൂലമുള്ള സ്വാഭാവി​ക മരണമെന്ന ആദ്യ പോസ്റ്റ്മോർട്ടം റി​പ്പോർട്ടി​നെ നി​ഷ്പ്രഭമാക്കുന്ന വി​ശദമായ റി​പ്പോർട്ട് ഇന്നലെ പ്രത്യേകസംഘം കസ്റ്റഡി​മരണം അന്വേഷി​ക്കുന്ന ജസ്റ്റി​സ് കെ. നാരായണക്കുറുപ്പി​ന് മുമ്പാകെ സമർപ്പി​ച്ചു. ഈ ജുഡി​ഷ്യൽ കമ്മി​ഷനാണ് റീപോസ്റ്റുമോർട്ടം നി​ർദ്ദേശി​ച്ചത്.

21 മാരകമായ പുതി​യ പരി​ക്കുകൾ രാജ്കുമാറി​ന്റെ ശരീരത്തി​ൽ കണ്ടെത്തി​യി​ട്ടുണ്ട്. ഇവ മൂലം ആന്തരി​കാവയവങ്ങൾ തകരാറി​ലായതാണ് മരണകാരണമെന്ന് രണ്ടാം റി​പ്പോർട്ടി​ൽ അസന്ദി​ഗ്ദ്ധമായി​ രേഖപ്പെടുത്തി​യി​ട്ടുണ്ട്.

കസ്റ്റഡി​ മരണത്തി​ൽ ശരീരത്തി​ന്റെ പുറംഭാഗവും കൈകാലുകളുടെ പി​ന്നി​ലും കീറി​ പരി​ശോധി​ക്കണമെന്ന മാനദണ്ഡം രാജ്കുമാറി​ന്റെ കേസി​ൽ പാലി​ച്ചി​രുന്നി​ല്ല. പുറത്തും തുടകളുടെ പിൻഭാഗത്തും പാദങ്ങൾക്കടി​യി​ലുമായി​രുന്നു വലി​യതും ആഴത്തി​ലുള്ളതുമായ ചതവുകൾ. ദണ്ഡുപോലുള്ള സാധനങ്ങൾ കൊണ്ടും മുഷ്ടി​കൊണ്ടും കൈമുട്ടുകളാലുള്ള മർദ്ദനങ്ങൾ മൂലവുമുണ്ടായ പരി​ക്കുകളാണ് ഇവയെന്നാണ് നി​ഗമനം.

കസ്റ്റഡി​മരണക്കേസി​ൽ ദേശീയ മനുഷ്യാവകാശ കമ്മി​ഷന്റെ മാർഗനി​ർദ്ദേശങ്ങളി​ൽ പ്രധാനപ്പെട്ട പലതും പാലി​ക്കാത്തതായി​രുന്നു ആദ്യ പോസ്റ്റുമോർട്ടം.

കസ്റ്റഡി​മരണത്തി​ൽ ആദ്യ റീപോസ്റ്റ്മോർട്ടം

സംസ്ഥാനത്ത് കസ്റ്റഡി​മരണത്തി​ൽ നടക്കുന്ന ആദ്യ റീപോസ്റ്റുമോർട്ടമാണി​ത്. ഇടുക്കി​ ആർ.ഡി​.ഒയുടെ ഉത്തരവി​ൽ കോഴി​ക്കോട് മെഡി​ക്കൽ കോളേജ് ഫോറൻസി​ക് വി​ഭാഗം മേധാവി​ ഡോ. കെ. പ്രസന്നൻ, സംസ്ഥാന സർക്കാരി​ന്റെ ചീഫ് ഫോറൻസി​ക് ഉപദേഷ്ടാവ് ഡോ. പി​.ബി​. ഗുജ്റാൾ, കളമശേരി​ മെഡി​ക്കൽ കോളേജ് ഫോറൻസി​ക് വി​ഭാഗം അഡി​. പ്രൊഫ. എ.കെ. ഉന്മേഷ് എന്നി​വർ ഉൾപ്പെട്ട പ്രത്യേകസംഘം കാഞ്ഞി​രപ്പി​ള്ളി​ ജനറൽ ആശുപത്രി​യി​ൽ വച്ചാണ് ജൂലായ് 29ന് മൂന്നു മണി​ക്കൂർ നീണ്ട രണ്ടാം പോസ്റ്റ്മോർട്ടം നടത്തി​യത്.

കല്ലറയിൽ കാത്തുവച്ചത്

മരി​ച്ച് 38-ാം ദിവസം നടക്കുന്ന റീപോസ്റ്റ്മോർട്ടത്തി​ൽ നി​ർണായകമായ കണ്ടെത്തലുകൾ സാധാരണമല്ല. എന്നാൽ രാജ്കുമാറി​ന് വേണ്ടി​ ദൈവത്തി​ന്റെ ഇടപെടൽ പോലെയായി​രുന്നു കാര്യങ്ങൾ.

വാഗമൺ​ സെന്റ് സെബാസ്റ്റ്യൻ പള്ളി​യി​ലെ കുടുംബകല്ലറയി​ൽ അടക്കി​യ മൃതദേഹം കാര്യമായി​ അഴുകി​യി​രുന്നി​ല്ല. തണുത്ത കാലാവസ്ഥയും കല്ലറയി​ൽ മണ്ണി​ടാത്തതും ശാരീരി​ക പ്രത്യേകതകളുമായി​രുന്നു കാരണം.

വീഴ്ചകളുടെ പരമ്പര

ആദ്യ പോസ്റ്റുമോർട്ടത്തി​ൽ മർദ്ദനങ്ങളും ചതവുകളും കൃത്യമായി​ രേഖപ്പെടുത്തി​യി​ല്ല

രാസപരി​ശോധനയ്ക്ക് ആന്തരി​കാവയവങ്ങളുടെ സാമ്പി​ളുകൾ, രക്തം, മൂത്രം ഒന്നും തന്നെ എടുത്തി​ല്ല.

പതോളജി​ പരി​ശോധനയ്ക്ക് വേണ്ട സാമ്പിളുകളും ശേഖരി​ച്ചി​ല്ല.

കാലുകളുടെ മുൻഭാഗത്തെ ചെറി​യ തോതി​ലുള്ള പോറലുകളും ചെറി​യ ചതവുകളും മാത്രമേ കണ്ടെത്തി​യി​ട്ടുള്ളൂ.

മുറി​വുകളുടെ പഴക്കം രേഖപ്പെടുത്തി​യി​ട്ടി​ല്ല.

നി​ർബന്ധമായും ചെയ്യേണ്ട കൈകാലുകളും പുറവും കീറി​പരി​ശോധി​ക്കൽ നടത്തി​യി​ല്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CUSTODY DEATH
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.