SignIn
Kerala Kaumudi Online
Thursday, 19 September 2019 6.01 AM IST

പേടിക്കേണ്ട, ഡാമുകൾ തുറക്കില്ല : കെ.എസ്.ഇ.ബി ചെയർമാന്റെ ഉറപ്പ്

kseb

തിരുവനന്തപുരം:മഴ കനത്തെങ്കിലും വലിയ അണക്കെട്ടുകളിൽ ഭൂരിഭാഗത്തിലും പകുതിയിൽ താഴെ മാത്രമേ വെള്ളമുള്ളൂ എന്നും ഇവ തുറക്കുമെന്ന വ്യാജപ്രചരണങ്ങളിൽ ആശങ്കപ്പെടരുതെന്ന് കെ.എസ്.ഇ.ബി ചെയർമാൻ എൻ.എസ്.പിള്ള അറിയിച്ചു.

വൈദ്യുതി ബോർഡിന് 59 അണക്കെട്ടുകളാണുള്ളത്. ഇതിൽ 42 എണ്ണവും ഷട്ടറുകളില്ലാത്ത ചെറിയ അണക്കെട്ടുകളാണ്. എറ്റവും വലിയ അണക്കെട്ടായ ഇടുക്കിയിൽ സംഭരണശേഷിയുടെ 34.41 ശതമാനം മാത്രം വെള്ളമാണുള്ളത്. ഷട്ടറുകളുള്ള 17അണക്കെട്ടുകളിലും കൂടി ശരാശരി 39 ശതമാനം വെള്ളമാണുള്ളത്. കഴിഞ്ഞ വർഷം ഇതേ ദിവസം ഈ അണക്കെട്ടുകളെല്ലാം നിറഞ്ഞിരുന്നു. വരും ദിവസങ്ങളിൽ മഴ ശക്തമായാലും വലിയ അണക്കെട്ടുകൾ തുറക്കേണ്ടി വരില്ലെന്നും അദ്ദേഹം പറഞ്ഞു.

ഉരുൾപൊട്ടലിനെത്തുടർന്ന് കക്കയം വൈദ്യുതി നിലയം അടച്ചിടേണ്ടി വന്നു. നിരവധി സബ് സ്റ്റേഷനുകളും വെള്ളത്തിലായി. വൈദ്യുതി തടസം ഉൾപ്പെടെയുള്ള വിവിധ കാരണങ്ങൾ മൂലം ഉപഭോഗം കുത്തനെ കുറഞ്ഞു. വൈദ്യുതി ബോർഡിന് ദിവസം 18 കോടിയോളം രൂപയുടെ വരുമാന നഷ്ടമുണ്ടെന്നാണ് വിലയിരുത്തൽ.

വരും ദിവസങ്ങളിലും മഴ തുടരുമെന്നാണ് കാലാവസ്ഥ കേന്ദ്രത്തിന്റെ വിലയിരുത്തൽ. ഈ സാഹചര്യത്തിൽ ലോഡ് ഷെഡിംഗ് ഭിഷണി ഒഴിയുമെന്നാണ് പ്രതീക്ഷയെന്നും എൻ.എസ് പിള്ള പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSEB
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.