വാങ്കഡെയിലെങ്കിലും സങ്കടം മാറുമോ ?

ഇന്ത്യ- ന്യൂസിലാൻഡ് മൂന്നാം ക്രിക്കറ്റ് ടെസ്റ്റ് നാളെ മുതൽ മുംബയ് വാങ്കഡെ സ്റ്റേഡിയത്തിൽ

പരമ്പരയിലെ സമ്പൂർണ പരാജയം ഒഴിവാക്കാൻ ഇന്ത്യ

മുംബയ് : ചരിത്രത്തിലാദ്യമായി ഇന്ത്യൻ മണ്ണിൽ ഒരു ടെസ്റ്റ് പരമ്പര നേടിയതിന്റെ ആഹ്ളാദത്തിലിരിക്കുന്ന ന്യൂസിലാൻഡിന് നാളെ മുംബയ് വാങ്കഡേ സ്റ്റേഡിയത്തിൽ തുടങ്ങുന്ന മൂന്നാം ടെസ്റ്റിനെക്കുറിച്ച് ഒരു ടെൻഷനുമില്ല. എന്നാൽ ഇന്ത്യൻ നായകൻ രോഹിത് ശർമ്മയെ സംബന്ധിച്ചിടത്തോളം കാര്യങ്ങൾ അങ്ങനെയല്ല. ഇന്ത്യൻ മണ്ണിലെ 18 പരമ്പര വിജയങ്ങളുടെ തുടർച്ചയ്ക്കാണ് കിവികൾ അറുതിവരുത്തിയിരിക്കുന്നത്. ഹോം ഗ്രൗണ്ടിലെ ഇന്ത്യയുടെ അജയ്യത ചോദ്യം ചെയ്യപ്പെട്ടിരിക്കുന്നു. ബെംഗളുരുവിൽ പേസ് ബൗളിംഗിനുമുന്നിലും പൂനെയിൽ സ്പിൻ ബൗളിംഗിന് മുന്നിലും ഒന്നുപോലെ പരാജയപ്പെട്ട ബാറ്റിംഗ് നിരയാണ് മറ്റൊരു ഭാരം. രോഹിതും വിരാടും ഉൾപ്പടെയുള്ള സീനിയർ താരങ്ങളുടെ ഫോമില്ലായ്മ വരാനിരിക്കുന്ന ഓസ്ട്രേലിയൻ പര്യടനത്തിനെക്കുറിച്ചുകൂടി ആശങ്കയേറ്റുന്നു.

കഴിഞ്ഞ മാസം ബംഗ്ളാദേശിനെതിരായ രണ്ട് മത്സരപരമ്പര ജയിച്ച് തികഞ്ഞ ആത്മവിശ്വാസത്തിലായിരുന്നു രോഹിതും സംഘവും. കിവീസാകട്ടെ ലങ്കയിൽ ചെന്ന് രണ്ട് മത്സരപരമ്പര 2-0ത്തിന് കൈവിട്ടതിന്റെ നിരാശയിലും. ഈ മാസം ഇന്ത്യയും ന്യൂസിലാൻഡും തമ്മിൽ രണ്ട് ടെസ്റ്റുകളിൽ ഏറ്റുമുട്ടിക്കഴിഞ്ഞപ്പോൾ സ്ഥിതിഗതികൾ നേരേ തിരിഞ്ഞു. പരിക്കേറ്റ സൂപ്പർ താരം കേൻ വില്യംസണിനെ മൂന്നാം ടെസ്റ്റിൽ കളിപ്പിച്ചില്ലെങ്കിലും കുഴപ്പമില്ലെന്ന ചിന്താഗതിയിലാണ് ഇപ്പോൾ കിവീസ്. പരമ്പര കൈവന്നുകഴിഞ്ഞതിനാൽ ഇനി വില്യംസണില്ലെങ്കിലും പ്രശ്നമില്ലെന്ന മട്ട്.ലോക ടെസ്റ്റ് ചാമ്പ്യൻഷിപ്പിന്റെ ഫൈനലിലെത്തണമെങ്കിൽ മുംബയ്‌യിലേത് ഉൾപ്പടെ ശേഷിക്കുന്ന എട്ട് മത്സരങ്ങളിലും വിജയിക്കേണ്ട അവസ്ഥയിലാണ് ഇന്ത്യ. ഇതിൽ അഞ്ചെണ്ണം ഓസ്ട്രേലിയയ്ക്ക് എതിരെ അവരുടെ നാട്ടിൽവച്ചാണെന്നതാണ് വലിയ വെല്ലുവിളി.

വാ​ങ്ക​ഡെ​ സ്റ്റേഡിയത്തിലെ ​ ​പി​ച്ച് പൂ​ർ​ണ​മാ​യും​ ​സ്പി​ന്ന​ർ​മാ​ർ​ക്ക് ​അ​നു​കൂ​ല​മാ​കു​ന്ന​ ​രീ​തി​യി​ലേ​ക്ക് ​മാ​റ്റാ​ൻ​ ​ഇ​ന്ത്യ​ ​ത​യ്യാ​റാ​കി​ല്ലെ​ന്നാ​ണ് ​സൂ​ച​ന. ​ ബെം​ഗ​ളു​രു​വി​ലെ​ ​ആ​ദ്യ​ ​തോ​ൽ​വി​ക്ക് ​ശേ​ഷം​ ​പൂ​നെ​യി​ൽ​ ​പി​ച്ചി​ലെ​ ​പു​ല്ല് ​നി​ശേ​ഷം​ ​ഒ​ഴി​വാ​ക്കി​ ​സ്പി​ന്ന​ർ​മാ​ർ​ക്ക് ​വേ​ണ്ടി​ ​മാ​ത്ര​മാ​യാ​ണ് ​ഒ​രു​ക്കി​യി​രു​ന്ന​ത്.​ ​എ​ന്നാ​ൽ​ ​ഈ​ ​ത​ന്ത്രം​ ​ഇ​ന്ത്യ​യ്ക്ക് ​ത​ന്നെ​ ​തി​രി​ച്ച​ടി​യാ​യി.​ ​ഇ​തേ​ത്തു​ട​ർ​ന്നാ​ണ് ​മും​ബ​യ്‌​യി​ൽ​ ​ഈ​ ​നീ​ക്കം​ ​വേ​ണ്ടെ​ന്ന് ​തീ​രു​മാ​നി​ച്ച​തെ​ന്ന് ​അ​റി​യു​ന്നു.​ ​ആ​ദ്യ​ ​ദി​വ​സ​ങ്ങ​ളി​ൽ​ ​ബാ​റ്റ​ർ​മാ​ർ​ക്ക് ​അ​നു​കൂ​ല​മാ​കു​ന്ന പി​ച്ചാ​കും​ ​വാ​ങ്ക​ഡെ​യി​ൽ​ ​ഒ​രു​ക്കു​ന്ന​ത്.​ ​പു​ല്ലു​ള്ള​ത് ​പേ​സ​ർ​മാ​ർ​ക്കും​ ​പ്ര​യോ​ജ​ന​പ്പെ​ടും.

പട്ടേലിന്റെ 10 വിക്കറ്റുകൾ

2021​ ​ഡി​സം​ബ​റി​ൽ​ ​ഇ​തേ​ടീ​മു​ക​ൾ​ ​ഇ​വി​ടെ​ ​ഏ​റ്റു​മു​ട്ടി​യ​പ്പോ​ൾ​ ​ഇ​ന്ത്യ​ 372​ ​റ​ൺ​സി​നാ​ണ് ​വി​ജ​യി​ച്ചി​രു​ന്ന​ത്.​ ​ആ​ദ്യ​ ​ഇ​ന്നിം​ഗ്സി​ൽ​ 325​ ​റ​ൺ​സ് ​നേ​ടി​യ​ ​ഇ​ന്ത്യ​ ​ര​ണ്ടാം​ ​ഇ​ന്നിം​ഗ്സി​ൽ​ 276​/7​ന് ​ഡി​ക്ള​യ​ർ​ ​ചെ​യ്തു.കി​വീ​സ് ​ആ​ദ്യ​ ​ഇ​ന്നിം​ഗ്സി​ൽ​ 62​ ​റ​ൺ​സി​നും​ ​ര​ണ്ടാം​ ​ഇ​ന്നിം​ഗ്സി​ൽ​ 167​ ​റ​ൺ​സി​നും​ ​ആ​ൾ​ഔ​ട്ടാ​യി.​ ​ഇ​ന്ത്യ​യു​ടെ​ ​ആ​ദ്യ​ ​ഇ​ന്നിം​ഗ്സി​ലെ​ 10​ ​വി​ക്ക​റ്റു​ക​ളും​ ​വീ​ഴ്ത്തി​ ​അ​ജാ​സ് ​പ​ട്ടേ​ൽ​ ​ച​രി​ത്രം​ ​കു​റി​ച്ച​ത് ​ഈ​ ​മ​ത്സ​ര​ത്തി​ലാ​ണ്.

ഹർഷിത് റാണ ഇന്ത്യൻ ടീമിൽ

മൂന്നാം ടെസ്റ്റിനുള്ള ഇന്ത്യൻ ടീമിൽ 22കാരനായ വലംകൈയൻ പേസർ ഹർഷിത് റാണയെ ഉൾപ്പെടുത്തി. ആദ്യ മത്സരങ്ങളിൽ റിസർവ് ലിസ്റ്റിൽ ഉണ്ടായിരുന്ന ഹർഷിതിനെ ഡൽഹിക്കായി രഞ്ജി ട്രോഫി കളിക്കാൻ ടീമിൽ നിന്ന് റിലീസ് ചെയ്തിരുന്നു. പിന്നാലെയാണ് മൂന്നാം ടെസ്റ്റിനായി തിരികെ വിളിപ്പിച്ചത്. വരാനിരിക്കുന്ന ഓസ്ട്രേലിയൻ പരമ്പരയ്ക്കുള്ള ടെസ്റ്റ് ടീമിലും ഹർഷിതിനെ ഉൾപ്പെടുത്തിയിട്ടുണ്ട്. വാങ്കഡെ ടെസ്റ്റിൽ ജസ്പ്രീത് ബുംറയ്ക്ക് വിശ്രമം നൽകി റാണയെ കളിപ്പിക്കുമെന്നാണ് സൂചന.

സ്പിൻ പേടി മാറ്റാൻ 35 നെറ്റ് ബൗളേഴ്സ്

മുംബയ്‌യിൽ ഇന്ത്യൻ ടീമിനെ പരിശീലനത്തിൽ സഹായിക്കാനായി 35 നെറ്റ് ബൗളർമാരെയാണ് ബി.സി.സി.ഐ എത്തിച്ചിരിക്കുന്നത്. ഇതിൽ ഭൂരിഭാഗവും സ്പിന്നർമാരാണ്. കഴിഞ്ഞ മത്സരങ്ങളിൽ സ്പിൻ ബൗളേഴ്സിനെ നേരിടുന്നതിൽ ഇന്ത്യൻ ബാറ്റർമാർ പരാജയപ്പെട്ടതിനാലാണ് ഈ തയ്യാറെടുപ്പ്.