SignIn
Kerala Kaumudi Online
Saturday, 14 December 2019 3.14 AM IST

പിടിച്ചാൽ കിട്ടില്ല പൊന്ന്, ഇന്ന് കൂടിയത് 320 രൂപ: ഇനിയും വില ഉയരാൻ സാദ്ധ്യത

gold

സകല റെക്കോർഡും ഭേദിച്ച് സ്വർണവില കുതിക്കുന്നു. പവന് 320 രൂപ വർദ്ധിച്ച് 27800 രൂപയായി. എക്കാലത്തെയും ഉയർന്ന നിലവാരമാണിത്. 3475 രൂപയാണ് ഗ്രാമിന്റെ വില. ഏതാണ്ട് ഒന്നരമാസത്തിനിടെ 3000 രൂപയുടെ വിലവർദ്ധനവാണ് ഉണ്ടായിട്ടുള്ളത്. ജൂലായ് രണ്ടിന് 24,920 രൂപയായിരുന്നു പവന്റെ വില. നാലുവർഷംകൊണ്ട് പവന് 9000 രൂപയുടെ വർദ്ധധനവാണ് ഉണ്ടായത്.


ആഗോള ഓഹരി വിപണിയിൽ സ്ഥിരതയില്ലാത്തതിനാൽ നിക്ഷേപകർ സ്വർണത്തിലേക്ക് ആകൃഷ്ടരാകുന്ന പ്രവണത തുടരുന്നുണ്ട്. നിക്ഷേപകർ സ്വർണം വാങ്ങിക്കൂട്ടൻ തുടങ്ങിയതോടെ അന്താരാഷ്ട്ര വിപണിയിൽ സ്വർണവില ഉയർന്നു. അതിന് പുറമെ ഇന്ത്യൻ രൂപയുടെ വില ഇടിഞ്ഞതും തിരിച്ചടിയായി. അമേരിക്ക ചൈനയുമായും തുർക്കിയുമായും തുടരുന്ന നികുതി തർക്കങ്ങളും സ്വർണവില ഉയരാൻ മറ്റൊരു കാരണമാണ്. കൂടാതെ പശ്ചിമേഷ്യയിൽ അമേരിക്കയും ഇറാനും തമ്മിലുള്ള പ്രശ്‌നവും വിപണിയിൽ ആശങ്ക നിലനിറുത്തുന്നു.

സുരക്ഷിത നിക്ഷേപമെന്ന നിലയിൽ ആഗോളതലത്തിൽ സ്വർണത്തെ നിക്ഷേപകർ വരവേറ്റതും വിലവർദ്ധിക്കുന്നതിനിടയാക്കി. ആഗോളവിപണിയിലെ വില വർദ്ധനവാണ് കേരളത്തിലും പ്രതിഫലിച്ചത്. രൂപയുടെ മൂല്യം ഡോളറുമായി താരതമ്യം ചെയ്യുമ്പോൾ ഇടിയുന്നത് തുടരുകയാണ്. ഈ സാഹചര്യത്തിൽ സ്വർണ വില ഇനിയും ഉയർന്നേക്കും. മാത്രമല്ല, ഓണവും വിവാഹ സീസണും വരുന്നതിനാൽ കേരളത്തിലും വില ഉയരാനാണ് സാദ്ധ്യത.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: FINANCE, GOLD PRICE, RISE KERALA, TODAY INCREASE
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.