തിരുവനന്തപുരത്തേക്കുള്ള ട്രെയിനുകളിൽ ബോംബ് ഭീഷണി,​ സന്ദേശമെത്തിയത് പൊലീസ് ആസ്ഥാനത്ത്

തിരുവനന്തപുരം : പാലക്കാട് നിന്ന് തിരുവനന്തപുരത്തേക്ക് പോകുന്ന ട്രെയിനുകളിൽ ബോംബ് ഭീഷണി. പൊലീസ് ആസ്ഥാനത്താണ് ട്രെയിനുകളിൽ ബോംബ് വച്ചിട്ടുണ്ടെന്ന ഭീഷണി സന്ദേശമെത്തിയത്. അന്വേഷണത്തിനൊടുവിൽ ഭീഷണി മുഴക്കിയ ആളെ തിരിച്ചറിഞ്ഞു. പത്തനംതിട്ട സ്വദേശിയാണ് ബോംബ് ഭീഷണി മുഴക്കിയത്. മദ്യലഹരിയിലായിരുന്നു ഭീഷണിയെന്നും പൊലീസ് പറഞ്ഞു,​

ഭീഷണിയെത്തുടർന്ന് ട്രെയിനുകളിൽ പൊലീസ് പരിശോധന നടത്തി. ആർ.പി.എഫും ട്രെയിനുള്ളിൽ പരിശോധന നടത്തിയിരുന്നു. എല്ലാ റെയിൽവേ സ്റ്റേഷനുകളിലേക്കും ‌ ജാഗ്രതാ നിർദ്ദേശവും നൽകിയിരുന്നു. ട്രെയിനുകൾ പോയിക്കഴിഞ്ഞാൽ സ്റ്റേഷൻ മൊത്തമായും പൊലീസ് പരിശോധിക്കും. എന്നാൽ ട്രെയിൻ തടഞ്ഞുള്ള പരിശോധന നടത്തില്ലെന്ന് പൊലീസ് അറിയിച്ചു.